ઇન્ટરનેટ વિના કરો UPI Payment!, બસ `4` ડિજિટ રાખો યાદ
તમે તમારી પેમેન્ટ એપથી ઇન્ટરનેટ વગર સરળતાથી UPI ટ્રાન્સફર કરી શકશો પરંતુ તેના માટે તમારા ફોનમાં નેટવર્ક હોવું જરૂરી છે.
તમને જણાવી દઈએ કે મોબાઈલ ડેટા કે ઈન્ટરનેટ વગર પેમેન્ટ કરવા માટે તમારે USSD સર્વિસનો ઉપયોગ કરવો પડશે. આ માટે સૌથી પહેલા તમારે તમારા સ્માર્ટફોન પર '*99#' ડાયલ કરવાનું રહેશે.
આ પછી, તમને એક પોપ-અપ મેનૂ દેખાશે, જેમાં આપેલા ઘણા વિકલ્પોમાંથી તમારે પહેલો વિકલ્પ એટલે કે 'સેન્ડ મની' પસંદ કરવાનો રહેશે. હવે, નાણાં મોકલવા માટે વિવિધ વિકલ્પો દેખાશે જેમાં UPI ID, બેંક ખાતાની વિગતો અને મોબાઇલ નંબર એન્ટર કરવી પડશે.
અહીંથી મોડ ઓફ પેમેન્ટ સિલેક્ટ કરો અને પછી જરૂરી વિગતો ભર્યા પછી, તમારે કેટલા પૈસા ટ્રાંસફર કરવાના છે તે રકમ લખો. આ પછી તમારે તમારો UPI પિન દાખલ કરવો પડશે અને પૈસા ટ્રાન્સફર કરવા પડશે.
આ રીતે, તમે ઇન્ટરનેટ વિના પણ તમારા સ્માર્ટફોનમાંથી UPI ટ્રાન્સફર કરી શકશો. તમને જણાવી દઈએ કે આ પ્રક્રિયાને પૂર્ણ કરવા માટે તમારો ફોન નંબર UPI સાથે રજીસ્ટર હોવો જોઈએ.