આ 5 એક્ટર્સ સાથે સની દેઓલને છે 36નો આંકડો, એકનું તો સાચે દબાવી દીધું હતુ ગળું
અજય દેવગન આમ તો શાંત પ્રકૃતિના માણસ છે પરંતુ સની દેઓલને તેની સાથે બનતું નથી. આ દુશ્મની વર્ષ 2002 માં આવેલી ફિલ્મ ભગતસિંહ થી શરૂ થઈ. અજય દેવગનની આ ફિલ્મ બોક્સ ઓફિસ પર સની દેઓલ ની ફિલ્મ શહીદ સાથે ટકરાઈ. જોકે અજય ની ફિલ્મ સની ની ફિલ્મ પર ભારે પડી અને બંને વચ્ચે દુશ્મની શરૂ થઈ ગઈ.
આમિર ખાન અને સની દેઓલ વચ્ચે કોલ્ડવોર છેલ્લા 32 વર્ષથી ચાલી રહી છે. 1990 માં સની દેઓલ ની ફિલ્મ ઘાયલ આવી હતી અને સામે આમીર ખાનની ફિલ્મ દિલ આવી હતી. તે સમયે આમિરખાને સની દેઓલને રિક્વેસ્ટ કરી હતી કે તે ઘાયલની રિલીઝ ડેટ બદલે પરંતુ સનીએ આવું કર્યું નહીં અને બંને વચ્ચે દુશ્મની થઈ ગઈ.
ડર ફિલ્મ આવી ત્યારે સની દેઓલ ફિલ્મમાં મુખ્ય અભિનેતા તરીકે કામ કરી રહ્યા હતા. આ ફિલ્મમાં શાહરુખ ખાન નેગેટિવ રોલમાં હતો. પરંતુ ફિલ્મ રિલીઝ થઈ પછી ચારે તરફ શાહરૂખ ખાનના જ વખાણ થઈ રહ્યા હતા. ડર ફિલ્મની વાત આવે તો શાહરૂખ ખાન ના નામની જ ચર્ચા લોકો કરતા. આ વાતને લઈને સની દેઓલ શાહરૂખખાન થી પણ નારાજ છે.
સની અને અનિલ કપૂર વચ્ચેની દુશ્મની જોશિલા ફિલ્મ થી શરૂ થઈ. વિડીયો રિપોર્ટ્સ અનુસાર ફિલ્મી રિલીઝ દરમિયાન ક્રેડિટમાં સની દેઓલ ની જગ્યાએ અનિલ કપૂર નું નામ આવ્યું હતું. આ વાતથી સની દેઓલ નારાજ થઈ ગયો. આ સિવાય ફિલ્મ રામ અવતાર દરમિયાન એક ફાઈટ સીનમાં સનીએ અનિલ કપૂરનું ગળું ગુસ્સાથી હકીકતમાં દબાવ્યું હતું જેના કારણે બંને વચ્ચે 36 નો આંકડો છે.
અક્ષય કુમાર અને સની દેઓલ વચ્ચે લડાઈનું કારણ રવિના ટંડન બની હતી. જ્યારે રવિના ટંડન અને અક્ષય કુમારના બ્રેકઅપની વાત સામે આવી તો સની દેઓલ ની લડાઈ અક્ષય કુમાર સાથે થઈ ગઈ હતી. જોકે આ અંગે આજ સુધી અક્ષય કે સનીએ કોઈ જ ખુલાસો કર્યો નથી.