World Cup 2023: કોણ ડી વિલિયર્સ, કોણ મેક્કુલમ! શર્માજીનો છોકરો છે નવો `SIXER` કિંગ
રોહિત શર્મા વર્લ્ડ કપમાં સૌથી વધુ સિક્સ મારનાર કેપ્ટન બની ગયો છે. રોહિતે નેધરલેન્ડ સામેની મેચમાં 2 સિક્સર ફટકારી હતી. વર્લ્ડ કપ 2023માં અત્યાર સુધી રોહિતના બેટમાંથી 24 સિક્સર વાગી છે.
રોહિત શર્માએ વર્લ્ડ કપની એક સિઝનમાં સૌથી વધુ સિક્સર મારવાના મામલે ઈંગ્લેન્ડના ભૂતપૂર્વ કેપ્ટન ઈયોન મોર્ગનને પાછળ છોડી દીધો છે. મોર્ગને 2019 વર્લ્ડ કપમાં 22 સિક્સર ફટકારી હતી.
રોહિત શર્માએ આ મામલે એબી ડી વિલિયર્સ અને બ્રેન્ડન મેક્કુલમને પણ પાછળ છોડી દીધા છે. એબી ડી વિલિયર્સે 2015ના વર્લ્ડ કપમાં 21 સિક્સર ફટકારી હતી. બ્રેન્ડન મેક્કુલમે 2015 વર્લ્ડ કપમાં 17 સિક્સર ફટકારી હતી.
રોહિત શર્મા એક કેલેન્ડર વર્ષમાં ODIમાં સૌથી વધુ સિક્સર મારનાર બેટ્સમેન પણ બની ગયો છે. રોહિતે 2023માં વનડે મેચોમાં અત્યાર સુધી 60 સિક્સર ફટકારી છે. આ પહેલા 2015માં એબી ડી વિલિયર્સે 58 સિક્સર ફટકારી હતી.
નેધરલેન્ડને હરાવીને ભારતે ODIમાં પોતાના જ મોટા રેકોર્ડની બરાબરી કરી લીધી છે. ટીમ ઈન્ડિયાએ 2023માં 24 વનડે જીતી છે. છેલ્લી વખત ભારતે આટલી બધી મેચો 1998માં જીતી હતી. આ એક કેલેન્ડર વર્ષમાં ભારતનો સૌથી વધુ વનડે જીતનો રેકોર્ડ છે, જે તૂટવાની કગાર પર છે.