સિંગાપોર જાઓ તો જરૂર લેજો આ પાંચ માર્કેટની મુલાકાત, વસુલ થઈ જશે ટિકિટના પૈસા

સિંગાપોરમાં બુજીસ સ્ટ્રીટ માર્કેટ ભાવતાલ કરાવનારા માટે બેસ્ટ શોપિંગ પ્લેસ છે. અહીં તમે કોઈપણ વસ્તુ સાવ સસ્તામાં ખરીદી શકો છો. અહીં તમને 250 રૂપિયામાં કપડાં અને 50-100 રૂપિયામાં સ્વાદિષ્ટ ખાવાની વસ્તુઓ મળશે.

સિંગાપોરમાં સૌથી સસ્તા શોપિંગ સ્થળોમાંનું એક છે મુસ્તફા સેન્ટર. જો તમારી પાસે 1-2 હજાર રૂપિયા હોય તો પણ તમે અહીંથી મોટો થેલો ભરીને સમાન ખરીદી શકો છો. અહીં દરેક વસ્તુની શરૂઆત માત્ર 50 રૂપિયાથી થાય છે.

સિંગાપોરના સૌથી જૂના બજારોમાંથી એક છે લકી પ્લાઝા. અહીંથી તમે તમારા મિત્રો અને સગા-સંબંધીઓ માટે સાવ સસ્તામાં સારી સારી ગિફ્ટ ખરીદી શકો છો. અહીં ઘડિયાળો, સનગ્લાસ, રોજિંદા ઉપયોગની વસ્તુઓ, પરફ્યુમ, બ્યુટી પ્રોડક્ટ્સની કિંમત 250 રૂપિયાથી શરૂ થાય છે.

ચાઇના ટાઉન, સિંગાપોરના સૌથી મોટા શેરી બજારોમાંનું એક, વિશ્વ વિખ્યાત છે. અહીં તમે 50 રૂપિયાથી ઓછી કિંમતમાં આકર્ષક વસ્તુઓ મેળવી શકો છો. અહીંથી તમે સસ્તામાં ઈલેક્ટ્રોનિક ગેજેટ્સ ખરીદી શકો છો.

જો તમે સિંગાપોરમાં ભારતીય વસ્ત્રો અથવા મીઠાઈઓનો આનંદ માણવા માંગતા હો, તો લિટલ ઈન્ડિયા આર્કેડ તમારા માટે છે. અહીં તમે 1,200 રૂપિયામાં સારી ખરીદી કરી શકો છો.