યુવતીઓ આ સમયે હોય છે સૌથી વધારે રોમેન્ટિક, મોંઘા ગિફ્ટ અને શોપિંગમાં રૂપિયા બરબાદ કરવાને બદલે આ રીતે કરો ખુશ

Food Effect on Woman Romance: દરેક વ્યક્તિને સારી રેસ્ટોરન્ટમાં જવું અને તેમના મનપસંદ ખોરાકનો આનંદ માણવો ગમે છે. ભરપૂર ભોજન કર્યા પછી લોકો સારું અનુભવે છે અને ઊર્જાથી ભરેલા રહે છે. ઘણા રિસર્ચમાં જાણવા મળ્યું છે કે જમ્યા પછી લોકોની નિર્ણય લેવાની ક્ષમતામાં સુધારો થાય છે, પરંતુ એક અભ્યાસમાં મહિલાઓ વિશે ખૂબ જ ચોંકાવનારી વાત સામે આવી છે. તેમાં એવું જાણવા મળ્યું છે કે, જમ્યા બાદ મહિલાઓ રોમેન્ટિક મોડમાં આવી જાય છે અને પોતાના પાર્ટનર સાથે ખુલીને પ્રેમ વ્યક્ત કરે છે. તે ખોરાકની અસર છે, જે સ્ત્રીઓને રોમેન્ટિક બનાવે છે.

જમ્યા પછી મહિલાઓ બની જાય છે રોમેન્ટિક
અમેરિકાની ડ્રેક્સેલ યુનિવર્સિટીના આ રિસર્ચમાં જાણવા મળ્યું છે કે, જમતી વખતે મગજ રોમેન્ટિક વસ્તુઓ તરફ વધુ સક્રિય બને છે. મહિલાઓના કિસ્સામાં એવું જોવામાં આવ્યું છે કે, જમ્યા પછી તેઓ પોતાના પાર્ટનર તરફથી મળતા રોમાંસને સારી રીતે એક્સેપ્ટ કરે છે અને તેમના બ્રેન એક્ટિવિટી વધી જાય છે. આ સ્ટડીમાં સંશોધકોએ જમ્યા પછી મહિલાઓના બ્રેન એક્ટિવિટીનું એનાલિસિસ કર્યું અને તેના માટે તેમણે ફંક્શનલ એમઆરઆઈ સ્કેનનો સહારો લીધો. આ સ્ટડીમાં સંશોધકોએ એ જાણવાનો પ્રયાસ કર્યો કે, જમવું અને રોમેન્ટિક ઉત્તેજનાઓ પ્રતિ બ્રેન કેવી રિએક્ટ કરે છે.

શોપિંગ કરવાને બદલે લઈ જાઓ રેસ્ટોરન્ટમાં
રિસર્ચમાં એ પણ જાણવા મળ્યું છે કે, જ્યારે સ્ત્રીઓ જમી લે છે ત્યારે તેમના બ્રેનમાં રોમેન્ટિક ઉત્તેજનાઓની પ્રોસેસ કરવા માટે વધુ એક્ટિવ એરિયા હોય છે. આ સૂચવે છે કે શારીરિક સંતોષ પછી ભાવનાત્મક અને રોમેન્ટિક પ્રક્રિયામાં સુધારો થઈ શકે છે. સંશોધકોના મતે જ્યારે શરીરની મૂળભૂત જરૂરિયાતો પૂરી થાય છે, ત્યારે તે ભાવનાત્મક અથવા રોમેન્ટિક સંકેતોને ખુલ્લા હૃદયથી સ્વીકારવાની તક આપે છે. આવી સ્થિતિમાં જો તમે તમારા પાર્ટનરને વધુ રોમેન્ટિક બનાવવા માંગો છો, તો શોપિંગ કરવાને બદલે તેને તેની મનપસંદ રેસ્ટોરન્ટમાં લઈ જાઓ. આ સાથે તે તમારા પ્રેમને વધુ સારી રીતે સમજી શકશે.

જ્યારે આપણે ભૂખ્યા હોઈએ છીએ ત્યારે બ્રેન પહેલા શારીરિક જરૂરિયાતોને સંતોષવાનો પ્રયાસ કરે છે, પરંતુ જમ્યા પછી આપણા બ્રેનની સ્થિતિ બદલાઈ શકે છે, જેના કારણે રોમેન્ટિક સંકેતો પ્રત્યે સંવેદનશીલતા વધારી શકે છે. આ રિસર્ચ લોકો માટે સંબંધોને સમજવાની નવી રીત દર્શાવે છે. આ અભ્યાસ એવી સ્ત્રીઓ માટે પણ ફાયદાકારક હોઈ શકે છે જેઓ તેમની ભાવનાત્મક પ્રતિક્રિયાઓને વધુ સારી રીતે સમજવા અને નિયંત્રિત કરવાનો પ્રયાસ કરી રહી છે. આ સિવાય જે પુરુષો પોતાની લવ લાઈફમાં સમસ્યાઓનો સામનો કરી રહ્યા છે તેઓ પણ આ સ્ટડીમાંથી ઘણું શીખી શકે છે.