જ્યોતિષ શાસ્ત્ર મુજબ જૂન મહિનો ગ્રહ અને નક્ષત્રોની સ્થિતિ પ્રમાણે ખુબ સારો રહી શકે છે. આ મહિને અનેક મોટા મોટા રાજયોગોનું નિર્માણ થઈ રહ્યું છે. જેમાંથી એક છે રૂચક રાજયોગ. જ્યોતિષ શાસ્ત્ર મુજબ ગ્રહોના સેનાપતિ મંગળ એક નિશ્ચિત સમયગાળા બાદ રાશિ પરિવર્તન કરે છે. આવામાં 12 રાશિઓના જીવનમાં કોઈને કોઈ પ્રભાવ જરૂર પડે છે. 1 જૂન 2024ના રોજ બપોરે 3.51 મિનિટ પર મંગળ મેષ રાશિમાં પ્રવેશ કરશે. પોતાની સ્વરાશિમાં જવાથી મંગળ રૂચક નામનો રાજયોગ બનાવશે. આ યોગ 12 જુલાઈ 2024 સુધી રહેશે. આવામાં કેટલાક રાશિના જાતકોને લાભ મળશે તો કેટલીક રાશિના જાતકોએ સંભાળીને રહેવાની જરૂર છે. 


COMMERCIAL BREAK
SCROLL TO CONTINUE READING

શું ફાયદો કરાવે
જ્યોતિષ શાસ્ત્ર મુજબ રૂચક રાજયોગ બનવાથી વ્યક્તિને શારીરિક બળ, સાહસ, પરાક્રમ, બૌદ્ધિક ક્ષમતામાં વધારાની સાથે યોગ્ય નિર્ણય લેવાની ક્ષમતા પણ વધે છે. આ સાથે જ વેપારમાં સફળતાની સાથે વૈવાહિક જીવનમાં ખુશીઓ રહે છે. જાણો આ યોગ કોને ફાયદો કરાવશે. 


મેષ રાશિ
મેષ રાશિના જાતકોને રૂચક રાજયોગ લાભકારી સિદ્ધ થઈ શકે છે. આવામાં સુખ સમૃદ્ધિની પ્રાપ્તિ થશે. તમને સમાજમાં માન સન્માન અને ઉપાધિ મળશે. આર્થિક સ્થિતિમાં વધારો થશે. આત્મવિશ્વાસ અને સાહસમાં વધારો થશે. જેનાથી દરેક ક્ષેત્રમાં સફળતા મળી શકે છે. કાર્યક્ષેત્રે પ્રગતિ થશે. તમારા કામની પ્રશંસા થશે. વેપાર સાથે જોડાયેલા જાતકોને પૂરેપૂરો લાભ થશે. જીવનસાથી સાથે સારો સમય પસાર થશે. સ્વાસ્થ્ય સારૂ રહેશે. 


વૃષભ રાશિ
આ રાશિના બારમા ભાવમાં રૂચક રાજયોગ બની રહ્યો છે. આવામાં આ રાશિના જાતકો કોઈ મુસાફરી કરી શકે છે. ધાર્મિક કામોમાં તમારા પૈસા વધુ ખર્ચાશે. પરંતુ તેનાથી તમને પુણ્યની સાથે સાથે માનસિક શાંતિ મળશે. આ સાથે જ વરિષ્ઠ લોકોના સહયોગથી પ્રગતિ થશે. વિદેશ જવાની તક મળી શકે છે. ઉચ્ચ શિક્ષણ માટે જે વિદ્યાર્થીઓ વિદેશ જવાની ઈચ્છા ધરાવતા હોય તેમને પણ લાભ મળશે. પરંતુ જીવનસાથી સાથે કોઈ વાતને લઈને મનમોટાવ રહી શકે છે. 


મિથુન રાશિ
આ રાશિના અગિયારમાં ભાવમાં રૂચક યોગ બની રહ્યો છે. આવામાં આ રાશિના જાતકો માટે લાભકારી સિદ્ધ થઈ શકે છે. આર્થિક સ્થિતિ મજબૂત થશે. આ સાથે જ નોકરીયાત જાતકોને પણ ખુબ લાભ થઈ શકે છે. તમારી મહેનત અને લગનને બિરદાવવામાં આવશે. ઉચ્ચ શિક્ષણનું સપનું પૂરું થઈ શકે છે. સ્વાસ્થ્ય સારું રહેશે. રોકાણ કરવાનું વિચારતા હોવ તો આ સમયગાળામાં કરી શકો છો. સંતાન સુખના યોગ બની રહ્યા છે. બિઝનેસ માટે પણ રૂચક યોગ લાભકારી સિદ્ધ થઈ શકે છે. પરંતુ સ્વાસ્થ્ય પ્રત્યે સજાગ રહેવાની જરૂર છે. 


 (Disclaimer: અહીં અપાયેલી માહિતી જ્યોતિષ ગણતરીઓ, સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.)


લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube