23 વર્ષ બાદ મે અને જૂનમાં નહીં કરી શકાય લગ્ન, આ ગ્રહોને કારણે બન્યો અશુભ સંયોગ

નવી દિલ્હીઃ આ વર્ષે મે અને જૂનમાં ઢોલ વાગશે નહીં. જ્યોતિષાચાર્યો પ્રમાણે આશરે 23 વર્ષ બાદ આ પ્રકારનો સંયોગ બની રહ્યો છે કે મે અને જૂનમાં લગ્ન થશે નહીં. કારણ કે હવે શુક્ર અસ્ત થઈ ગયો છે. શુક્ર કે ગુરૂ ગ્રહના અસ્ત થવા પર હિન્દુ ધર્મમાં કોઈ પ્રકારના માંગલિક કાર્યો કરવાનું શુભ માનવામાં આવતું નથી. જુલાઈમાં લગ્ન માટે ઘણા સારા મુહૂર્ત છે. 

મે, જૂનમાં અસ્ત રહેશે ગુરૂ શુક્ર
જ્યોતિષીચાર્યો પાસેથી પ્રાપ્ત માહિતી અનુસાર ગુરૂ અને શુક્ર અસ્ત થઈ રહ્યાં છે. તેથી મે અને જૂન મહિનામાં લગ્ન કાર્ય થશે નહીં. જ્યોતિષાચાર્ય પ્રમાણે 18થી 26 એપ્રિલે શુભ મુહૂર્ત સમાપ્ત થઈ ગયા છે. દર વર્ષે મે અને જૂનમાં ઘણા લગ્નના મુહૂર્ત હોય છે, પરંતુ આ વખતે બે મહિના માટે કોઈ મુહૂર્ત નથી. ગુરૂ ગ્રહ સાત મેથી 6 જૂન 2024 સુધી 30 દિવસ માટે અસ્ત રહેશે, જ્યારે શુક્ર ગ્રહ 27 એપ્રિલથી 28 જૂન કુલ 63 દિવસ સુધી અસ્ત રહેશે.

જુલાઈમાં લગ્ન મુહૂર્ત
પ્રાપ્ત માહિતી પ્રમાણે આ બે મહિના બાદ હવે જુલાઈમાં શુભ મુહૂર્ત આવશે, જે હરિશયની એકાદશી 17 જુલાઈ સુધી છે. ત્યારબાદ ચાતુર્માસ શરૂ થઈ જશે. ત્યારબાદ ફરી ચાર મહિના સુધી માંગલિક કાર્ય થઈ શકશે નહીં. પછી 12 નવેમ્બરે હરિ એકાદશી બાદ નવેમ્બર મહિનામાં લગ્નના મુહૂર્ત હશે. તેથી જુલાઈ બાદ હવે નવેમ્બર અને ડિસેમ્બરમાં લગ્ન થશે. 

આ પણ વાંચોઃ Akshaya Tritiya પર આ 5 વસ્તુઓનું દાન બનાવશે ધનવાન, આવકમાં થશે જોરદાર વધારો

વર્ષ 2000માં હતો સંયોગ
લગ્ન મુહૂર્તમાં ગુરૂ અને શુક્ર અસ્તનો પણ વિચાર કરવામાં આવે છે. સારો શુક્ર ભોગ વિલાસનો નૈસર્ગિક કારક છે. સુખને દર્શાવે છે. ગુરૂ ગ્રહ કન્યા માટે પતિ સુખનો કારક છે. શાસ્ત્રો પ્રમાણે બંને ગ્રહોનું ઉદય થવું શુભ લગ્ન માટે જરૂરી હોય છે. વર્ષ 2000માં પણ ગ્રહ-નક્ષત્રોની અશુભ સ્થિતિથી મે અને જૂન મહિનામાં લગ્નો થઈ શક્યા નહોતા.

લગ્ન માટે શુભ મુહૂર્ત
જુલાઈ 9, 10, 11, 12, 13, 14, 15, 16 અને 17.

નવેમ્બર 17, 18, 22, 23, 24 તથા 25.

ડિસેમ્બર 2, 3, 4, 5, 10, 11, 13, 14 તથા 15.