Raj Kundra ની ધરપકડ બાદ ફસાયો અજિંક્ય રહાણે, સોશિયલ મીડિયા પર ટ્રોલર્સના નિશાના પર ભારતીય ક્રિકેટર

નવી દિલ્હીઃ બોલીવુડની અભિનેત્રી શિલ્પા શેટ્ટી (Shilpa Shetty) ના પતિ રાજ કુન્દ્રા  (Raj Kundra) પર ઘણા ગંભીર આરોપ લાગ્યા છે. તેની અશ્લીલ ફિલ્મ બનાવવાના મામલામાં ધરપકડ કરવામાં આવી છે. રાજ કુન્દ્રાની ધરપકડ બાદ સોશિયલ મીડિયા પર ગુસ્સો જોવા મળી રહ્યો છે. એક તરફ લોકો મીમ્સ બનાવી રહ્યાં છે તો બીજીતરફ રાજના જૂના ટ્વીટ પણ વાયરલ થઈ રહ્યાં છે. આ વચ્ચે ભારતીય ટેસ્ટ ટીમના વાઇસ કેપ્ટન અજિંક્ય રહાણે ટ્રોલર્સના નિશાના પર આવી ગયો છે.

પોર્ન ફિલ્મ બનાવવાના મામલામાં ફસાયો
રાજ કુન્દ્રા 2021માં ફરી વિવાદોમાં છે. રાજ કુન્દ્રાની પોર્ન ફિલ્મ બનાવવા મામલે ધરપકડ થઈ છે. આ વર્ષે ફેબ્રુઆરીમાં તેના વિરુદ્ધ પોલીસમાં ફરિયાદ દાખલ કરવામાં આવી હતી. તેના પર અશ્લીલ વીડિયો રેકોર્ડ કરતા અને સોશિયલ મીડિયા પર પોસ્ટ કરવાનો આરોપ લગાવવામાં આવ્યો હતો. 

રહાણે અને રાજ કુન્દ્રાના ટ્વીટ્સ વાયરલ
આ વચ્ચે અજિંક્ય રહાણે  (Ajinkya Rahane) નું એક જૂનુ ટ્વીટ વાયરલ થઈ રહ્યું છે. હકીકતમાં રહાણેએ 19 ઓક્ટોબર કુન્દ્રાને ટેગ કરતા ટ્વીટ કર્યુ જેમાં લખ્યુ હતુ- સર તમે સારૂ કામ કરી રહ્યા છો, જેનો જવાબ આપતા રાજ કુન્દ્રાએ કહ્યુ હતુ, આભાર, તમે જરૂર આવો અને લાઇવ જુઓ. રહાણેએ ત્યારબાદ લખ્યુ- હા હું જરૂર આવીશ.