ઈંગ્લેન્ડના સ્ટાર ઓપનરે અચાનક લીધો સંન્યાસ, ઈંગ્લેન્ડને બનાવી ચુક્યો છે વર્લ્ડ ચેમ્પિયન

લંડનઃ Alex Hales Has Announced His Retirement: ઈંગ્લેન્ડના સ્ટાર ઓપનર એલેક્સ હેલ્સે ચોંકાવનારો નિર્ણય લીધો છે. 34 વર્ષની ઉંમરે એલેક્સ હેલ્સે આંતરરાષ્ટ્રીય ક્રિકેટને અલવિદા કહી દીધુ છે. એલેક્સ હેલ્સનું આંતરરાષ્ટ્રીય કરિયર વધુ લાંબુ રહ્યું નથી. પરંતુ પાછલા વર્ષે તેણે શાનદાર બેટિંગની મદદથી ઈંગ્લેન્ડને ટી20 ચેમ્પિયન બનાવવામાં મહત્વની ભૂમિકા ભજવી હતી. 

એલેક્સ હેલ્સે પોતાના આંતરરાષ્ટ્રીય ક્રિકેટથી સંન્યા વિશે જાણકારી સોશિયલ મીડિયા પર પોસ્ટ દ્વારા આપી છે. ઈન્સ્ટાગ્રામ પર કરવામાં આવેલી પોસ્ટમાં હેલ્સે લખ્યુ કે, હું તમને બધાને જણાવવા ઈચ્છુ છું કે મેં આંતરરાષ્ટ્રીય ક્રિકેટને અલવિદા કહેવાનો નિર્ણય લીધો છે. દેશ માટે ત્રણેય ફોર્મેટમાં મળીને 156 મેચ રમવી મારા માટે ગર્વની વાત છે.