Asia Cup 2022: દુબઈ સ્ટેડિયમ પાસે લાગી આગ, થોડીવારમાં શરૂ થશે ભારત-અફઘાનિસ્તાનની મેચ

દુબઈઃ એશિયા કપ-2022માં આજે ભારત પોતાની છેલ્લી મેચ રમવાનું છે. આ મુકાબલો દુબઈ આંતરરાષ્ટ્રીય સ્ટેડિયમમાં રમાશે. ભારત અને અફઘાનિસ્તાન વચ્ચે રમાનારી મેચ પહેલા સ્ટેડિયમ નજીક આગની ઘટના બની છે. સ્ટેડિયમના એન્ટ્રી ગેટ પાસે આગ લાગી છે. આગને કાબુમાં લેવાનો પ્રયાસ કરવામાં આવી રહ્યો છે. 

જાણકારી પ્રમાણે આ આગ એન્ટ્રી ગેટ પાસે આવેલી એક બિલ્ડિંગમાં લાગી હતી. જેનો ધુમાડો સ્ટેડિયમમાં જોવા મળ્યો હતો. નોંધનીય છે કે આ મેદાન પર સાંજે 7.30 કલાકથી ભારત અને અફઘાનિસ્તાન વચ્ચે ટક્કર જોવા મળશે. 

નોંધનીય છે કે ટીમ ઈન્ડિયા એશિયા કપ-2022માં ગુરૂવારે પોતાની છેલ્લી મેચ રમવાની છે. ટીમ ઈન્ડિયા ફાઇનલની રેસમાંથી બહાર થઈ ગઈ છે. તેવામાં આજે અફઘાનિસ્તાન સામે રમાનારી મેચ માત્ર ઐપચારિકતા છે.