AUS OPEN: 7 વખતની ચેમ્પિયન સેરેના ત્રીજા રાઉન્ડમાં, જિડૈનસેકને હરાવી, 15 વર્ષની ગોફ પણ જીતી

મેલબોર્નઃ ઓસ્ટ્રેલિયન ઓપનના ત્રીજા રાઉન્ડમાં બુધવારે અમેરિકાની સેરેના વિલિયમ્સ ત્રીજા રાઉન્ડમાં પહોંચી ગઈ છે. 7 વખતની ચેમ્પિયન સેરેનાએ સ્લોવેનિયાની તમારા જડૈનસેકને સીધા સેટમાં પરાજય આપ્યો હતો. તેણે આ મુકાબલો 6-2, 6-3થી પોતાના નામે કર્યો હતો. બીજીતરફ 15 વર્ષની કોકો ગોફ ત્રીજા રાઉન્ડમાંપ હોંચી ગઈ છે. અમેરિકાની ગોફે રોમાનિયાની સોરાના ક્રિસ્ટિયાને 4-6, 6-3, 7-5થી હરાવી હતી. તેનો આગામી મુકાબલો જાપાનની નાઓમી ઓસાકા સામે થશે. ગોફ પાછલા વર્ષે યૂએસ ઓપનમાં ઓસાકા વિરુદ્ધ હારીને બહાર થઈ હતી. 

પુરૂષ સિંગલ્સમાં ડિફેન્ડિંગ ચેમ્પિયન વર્લ્ડ નંબર-2 સર્બિયાના નોવાક જોકોવિચે પણ બીજા રાઉન્ડમાં વિજય મેળવ્યો છે. તેણે જાપાનના તાત્સુમા ઇટોને 6-1, 6-4, 6-2થી પરાજય આપ્યો હતો. આ સિવાય મહિલા સિંગલ્સમાં ઓસ્ટ્રેલિયાની એશ્લે બાર્ટી, જાપાનની નાઓમી ઓસાકા અને ડેનમાર્કની કેરોલિન વોજ્નિયાકીએ પણ પોત-પોતાના મુકાબલા જીતીને ત્રીજા રાઉન્ડમાં સ્થાન મેળવ્યું છે.