સીઓએ સાથે બેઠક છોડી કોહલીને મળવા પહોંચ્યા સીકે ખન્ના

નવી દિલ્હીઃ ભારતીય ક્રિકેટ કંટ્રોલ બોર્ડના કાર્યવાહક અધ્યક્ષ સીકે ખન્ના શનિવારે રાષ્ટ્રીય રાજધાનીમાં યોજાયેલી પ્રશાસકોની સમિતિ (CoA)ની બેઠકથી દૂર રહ્યાં હતા. આ વચ્ચે તેમણે ભારતીય ટીમના કેપ્ટન વિરાટ કોહલી સાથે મુલાકાત કરી તેને 30 મેથી શરૂ થઈ રહેલા વિશ્વ કપ માટે શુભકામના જરૂર આપી હતી. કોહલી આ સમયે ઈન્ડિયન પ્રીમિયર લીગમાં રોયલ ચેલેન્જર્સ બેંગલોરનું નેતૃત્વ કરી રહ્યો છે. 

રવિવારે ફિરોઝશાહ કોટલામાં દિલ્હી કેપિટલ્સ અને કોહલીની બેંગલોર વચ્ચે મેચ રમાશે. આ કારણે કોહલી આ સમયે દિલ્હીમાં છે. ખન્નાએ બેઠકમાં ન જવા અને કોહલી સાથે મુલાકાત કરવાના સવાલ પર કહ્યું, હું આ તકે કોહલી અને તેની ટીમને વિશ્વ કપ માટે શુભકામના આપવા ઈચ્છતો હતો. 

ખન્નાએ સવારે સીઓએને એક મેલ કર્યો હતો, જેમાં તેમણે બેઠકમાં ન આવવા માટે પારિવારિક કારણોનો હવાલો આપ્યો હતો. આ મેલની કોપી મીડિયાની પાસે છે. ખન્નાએ આ મેચ સવારે 10.14 કલાકે મોકલ્યો હતો, જ્યારે બેઠક 10 કલાકે શરૂ થઈ ગઈ હતી. બીસીસીઆઈના મુખ્ય કાર્યકારી અધિકારી રાહુલ જૌહરીએ 21 એપ્રિલે જ ત્રણેય અધિકારીઓને બેઠક વિશે જણાવી દીધું હતું.