MS Dhoni Jersey Number: હવે ક્યારે મેદાન પર દેખાશે નહી ધોનીવાળો 7 નંબર, BCCI એ લીધો મોટો નિર્ણય

MS Dhoni Jersey No. 7 Retired: ભૂતપૂર્વ ભારતીય કેપ્ટન એમએસ ધોનીને ટ્રિબ્યૂટ આપતા ભારતીય ક્રિકેટ કંટ્રોલ બોર્ડ (BCCI) એ તેની 7 નંબરની જર્સીને નિવૃત્ત કરવાનો નિર્ણય લીધો છે. ધોની આ જર્સી નંબર પહેરીને ભારત માટે ક્રિકેટના ત્રણેય ફોર્મેટ રમ્યો હતો. તમને જણાવી દઈએ કે ધોની એકમાત્ર એવો કેપ્ટન છે જેણે ભારતને ત્રણ ICC ટ્રોફી જીતાડવી. તેણે ICC ODI વર્લ્ડ કપ, ICC T20 વર્લ્ડ કપ અને ICC ચેમ્પિયન્સ ટ્રોફીમાં ભારતને ચેમ્પિયન બનાવ્યું છે.

બીસીસીઆઈએ આપી માહિતી 
ઈન્ડિયન એક્સપ્રેસના અહેવાલ મુજબ, BCCIએ રાષ્ટ્રીય ટીમના ખેલાડીઓ, ખાસ કરીને નવોદિત ખેલાડીઓને જાણ કરી છે કે તેમની પાસે તેંડુલકર અને ધોની સાથે જોડાયેલા જર્સી નંબર પસંદ કરવાનો વિકલ્પ નથી. તમને જણાવી દઈએ કે ધોનીની જેમ આ પ્રકારનું સન્માન મેળવનાર એકમાત્ર અન્ય ક્રિકેટર સચિન તેંડુલકર છે. બીસીસીઆઈએ પણ 2017માં તેની સિગ્નેચર નંબર 10 જર્સીને રિટાયર કરી દીધી હતી.

કોઈપણ ખેલાડીને નહી મળે 7 અને 10 નંબરની જર્સી
તમને જણાવી દઈએ કે જર્સીને રિટાયર કરવાનો અર્થ એ છે કે અન્ય કોઈ ભારતીય ખેલાડી ક્રિકેટ રમતી વખતે આ બે જર્સી નંબરનો ઉપયોગ કરી શકશે નહીં. રિપોર્ટમાં એમ પણ કહેવામાં આવ્યું છે કે BCCIના એક અધિકારીએ કહ્યું, 'વર્તમાન ભારતીય ટીમના યુવા ખેલાડીઓ અને ખેલાડીઓને એમએસ ધોનીની 7 નંબરની જર્સી પસંદ ન કરવા માટે કહેવામાં આવ્યું છે. BCCIએ રમતમાં આપેલા યોગદાન બદલ ધોનીની ટી-શર્ટને રિટાયર કરવાનો નિર્ણય લીધો છે. નવો ખેલાડી 7મો નંબર મેળવી શકતો નથી અને 10મો નંબર પહેલેથી જ ઉપલબ્ધ નંબરોની યાદીમાંથી બહાર છે.

જર્સી પસંદ કરવાનો આ છે નિયમ
તમને જણાવી દઈએ કે નિયમ પ્રમાણે ICC ખેલાડીઓને 1 થી 100 ની વચ્ચે કોઈપણ નંબર પસંદ કરવાની મંજૂરી આપે છે, પરંતુ ભારતમાં મર્યાદિત વિકલ્પો છે. BCCI અધિકારીએ કહ્યું, 'હાલમાં ભારતીય ટીમના નિયમિત ખેલાડીઓ અને દાવેદારો માટે લગભગ 60 નંબર છે. તેથી, જો કોઈ ખેલાડી લગભગ એક વર્ષ સુધી ટીમની બહાર હોય તો પણ અમે કોઈપણ નવા ખેલાડીને તેનો નંબર આપતા નથી. આનો અર્થ એ છે કે તાજેતરમાં ડેબ્યુ કરનાર ખેલાડી પાસે પસંદગી માટે લગભગ 30 નંબરો છે.

યુવાન જયસ્વાલને ન મળ્યો મનપસંદ જર્સી નંબર
તમને જણાવી દઈએ કે આ વર્ષની શરૂઆતમાં જ્યારે 21 વર્ષીય ઓપનિંગ બેટ્સમેન યશસ્વી જયસ્વાલ ભારત માટે ડેબ્યૂ કરી રહ્યો હતો, ત્યારે તે IPLમાં રાજસ્થાન રોયલ્સ તરફથી રમતી વખતે પહેરતી 19 નંબરની જર્સી લેવા માટે ઉત્સુક હતો. જો કે, આ નંબર ક્રિકેટરમાંથી કોમેન્ટેટર બનેલા દિનેશ કાર્તિકને આપવામાં આવ્યો હતો, જે હવે ભારત માટે નથી રમી રહ્યો, પરંતુ હજુ પણ સક્રિય ખેલાડી છે. તેથી જ જયસ્વાલ 64 નંબરની જર્સીમાં જોવા મળ્યો હતો.