Champions Trophy 2025: પાકિસ્તાનની ફરી બેઈજ્જતી! BCCI એ આપ્યો જોરદાર ઝટકો

Champions Trophy 2025: ચેમ્પિયન્સ ટ્રોફીની મેજબાનીને લઈને ચાલી રહેલી ચર્ચામાં પાકિસ્તાન ક્રિકેટબોર્ડે એકવાર ફરી બીસીસીઆઈને જોરદાર ઝટકો આપ્યો છે. બીસીસીઆઈ એ આગામી વર્ષ ફેબુઆરી-માર્ચમાં ટૂર્નામેન્ટ માટે હાઈબ્રિડ મોડલ પર પીસીબીની તે શરતનો સખત વિરોધ કર્યો છે, જેમાં કહેવામાં આવ્યું હતું કે જો ભારત પાકિસ્તાનમાં આવીને નહીં રમે તો તેઓ ભવિષ્યમાં BCCI દ્વારા આયોજિત ટૂર્નામેન્ટમાં પણ પાકિસ્તાન ભારતમાં નહીં રમે. તેના પર બીસીસીઆઈએ આઈસીસીને મેસેજ આપ્યો છે કે ભારતમાં સુરક્ષાને કોઈ ખતરો નથી અને તેથી આવી માંગ સ્વીકારવાનો કોઈ પ્રશ્ન જ નથી.

હાઈબ્રિડ મોડમાં રમાશે ચેમ્પિયન ટ્રોફી
તમને જણાવી દઈએ કે PCBએ તાજેતરમાં જ ચેમ્પિયન્સ ટ્રોફીનું આયોજન હાઇબ્રિડ મોડમાં કરવા માટે સંમતિ દર્શાવી હતી, જે સુરક્ષાના કારણોસર ટૂર્નામેન્ટ માટે પાકિસ્તાન જવાનો ઇનકાર કર્યા બાદ ભારતને તેની મેચો તટસ્થ સ્થળો પર રમવાની મંજૂરી આપશે. જો કે, પાકિસ્તાને ICC પાસે માંગ કરી હતી કે બદલામાં તેઓ પણ BCCI દ્વારા આયોજિત ભવિષ્યની ટુર્નામેન્ટમાં ભારતમાં નહીં રમે.

ભારતમાં થાય છે ઘણી ટૂર્નામેન્ટ્સ
રિપોર્ટમાં કહેવામાં આવ્યું છે કે, સૂત્રોએ મંગળવારે ટેલીગ્રાફને જણાવ્યું કે બીસીસીઆઈ એ આ સંબંધમાં આઈસીસીના અધિકારીઓને સ્પષ્ટ સંદેશ મોકલ્યો છે, જેમાં એક નવો ગતિરોધ પૈદા થયો છે. તમને જણાવી દઈએ કે ભારત આગામી વર્ષ મહિલા વનડે વર્લ્ડ કપ અને 2026માં શ્રીલંકાની સાથે સંયુક્ત રૂપથી ટી20 વર્લ્ડકપની મેજબાની કરનાર છે. 2029 ચેમ્પિયન ટ્રોફી અને 2031 વનડે વર્લ્ડ કપ પણ ભારતમાં રમાવાનો છે.

માત્ર 15 મિનિટ ચાલી હતી મીટિંગ
ગત શુક્રવારે આઈસીસી બોર્ડની વર્ચુઅલ મીટિંગ થઈ હતી, પરંતુ પીસીબી દ્વારા હાઈબ્રિડ મોડલને અસ્વીકાર કર્યા બાદ આ માત્ર 15 મિનિટમાં જ ખતમ થઈ ગઈ. જોકે, તેઓ બાદમાં તે હાઈબ્રિડ મોડલ પર રમવા સહમત થઈ ગયા, પરંતુ તેમણે એક શરત મૂકી હતી કે તેઓ પણ ભવિષ્યમાં ભારતમાં નહીં રમે.