જયસૂર્યાનું મોત? ભારતીય ક્રિકેટર પણ સપડાઈ ગયો જુઠાણાંની જાળમાં

નવી દિલ્હી : શ્રીલંકાના પૂર્વ કેપ્ટન સનથ જયસૂર્યાના નિધનના સમાચાર ક્રિકેટની દુનિયામાં આગની જેમ ફેલાઈ ગયા હતા પણ આ વાત માત્ર અફવા સાબિત થઈ હતી. કોઈપણ ન્યૂઝ એજન્સી કે પછી અધિકારી પાસે આ વિશે કોઈ જાણકારી નથી. 

આ મહિને કેનેડામાં એક કાર એક્સિડન્ટમાં 49  વર્ષના જયસૂર્યાનું અવસાન થયું હોવાના સમાચાર ઇન્ટરનેટ પર વહેતા થયા હતા પણ આ સમાચાર નકલી હતા. આ સમાચારે ભારતીય સ્પિનર રવિચંદ્રન અશ્વિનને પણ મોટો આંચકો આપ્યો હતો. તેણે ટ્વિટર પર પોતાના 9.45 મિલિયન ફોલોઅર્સને આ સમાચાર પાછળની હકીકત પુછી હતી.