ઈસીબીએ `ધ હંડ્રેડ` સાથે જોડાયેલા ખેલાડીઓનો કરાર કર્યો રદ્દ, 2021માં યોજાશે ટૂર્નામેન્ટ

લંડનઃ ઈંગ્લેન્ડ અને વેલ્સ ક્રિકેટ બોર્જ (ઈસીબી)એ 'ધ હંડ્રેડ' ટૂર્નામેન્ટની પ્રથમ સીઝનમાં ભાગ લેનારા ખેલાડીઓનો કરાર રદ્દ કરી દીધો છે. કોરોના વાયરસ મહામારીને કારણે હવે આ ટૂર્નામેન્ટ આગામી વર્ષે રમાશે. પ્રતિ ટીમ સો બોલના આ નવા ફોર્મેટમાં આઠ ટીમો વચ્ચે 17 જુલાઈથી 15 ઓગસ્ટ રમાવાની હતી.

પુરૂષ વર્ગમાં ટીમોએ પોતાના ખેલાડી ઓક્ટોબરમાં ડ્રાફ્ટ દ્વારા પસંદ કરી લીધા હતા જ્યારે મહિલા ટીમની પસંદગી બાકી હતી. ઈસીબીએના નિવેદનના હવાલાથી બીબીસીએ કહ્યું, અમે તેની પુષ્ટિ કરીએ છીએ આ ટૂર્નામેન્ટ સાથે જોડાયેલા તમામ ખેલાડીઓનો કરાર રદ્દ કરી દેવામાં આવ્યો છે. ખેલાડીઓને પત્ર દ્વારા તેની માહિતી આપી દેવામાં આવી છે.