Michael Clarke: વિશ્વ વિજેતા કેપ્ટનની ગર્લફ્રેન્ડે જાહેરમાં ધોલાઈ કરી, વાયરલ થયો અર્ધનગ્ન હાલતનો વીડિયો

નવી દિલ્હીઃ માઇકલ ક્લાર્કના અંગત જીવનમાં ફરી ભૂકંપ આવી ગયો છે. માઇકલ ક્લાર્લ પર તેની પ્રેમિકા ઝેડ યારબ્રોજે છેતરપિંડી કરવાનો આપોપ લગાવ્યો છે. સોશિયલ મીડિયા પર એક વીડિયો ખુબ વાયરલ થઈ રહ્યો છે, જેમાં ક્લાર્કને તેની પ્રેમિકા લાફા મારી રહી છે. અંતમાં ક્લાર્ક ઝેડ યારબ્રોજની બહેન જૈસ્મીનને મુક્કા મારે છે. ડેલી ટેલીગ્રાફે ક્લાર્ક અને ઝેડ યારબ્રોજની આ ઘર્ષણને લઈને પોસ્ટ પણ કરી છે. 

વીડિયોમાં માઇકલ ક્લાર્ક અર્ધનગ્ન જોવા મળી રહ્યો છે. વીડિયોમાં ક્લાર્કને પોતાના ઉપર લાગેલા આરોપોનો ઇનકાર કરતો સાંભળી શકાય છે. ક્લાર્ક વીડિયોમાં કહી રહ્યો છે કે સમ ખાવ છું આ સત્ય નથી. હું મારી દીકરીની જિંગદીના સોગંદ ખાવ છું. રિપોર્ટ અનુસાર માઇકલ ક્લાર્ક પોતાની પ્રેમિકા, યારબ્રોઝની બહેન જૈસ્મીન અને તેના પતિ કાર્લ સ્ટેફનોવિકની સાથે રજાઓ પર ગયો હતો. જાણવા મળી રહ્યું છે કે આ ચારેય પોતાના મિત્રની સાથે ડિનર પર હતા, ત્યારે આ વિવાદ શરૂ થયો. યાસબ્રોઝની બહેન જૈસ્મીન ઓસ્ટ્રેલિયાની જાણીતી ટીવી હોસ્ટ છે. 

પોલીસ કરી રહી છે તપાસ
ફુટેજ સામે આવ્યા બાદ ક્વીસલેન્ડ પોલીસ તપાસ કરી રહી છે. પોલીસે ગુરૂવારે કહ્યું- ક્વીસલેન્ડ પોલીસ એક 30 વર્ષીય મહિલા અને 41 વર્ષીય પોલીસ વચ્ચે થયેલી ઘટનાની તપાસ કરી રહી છે. ક્લાર્ક 41 વર્ષનો છે અને તેની ગર્લફ્રેન્ડ 30 વર્ષની છે.