Shocking news: રોહિત શર્માના ફેને લઈ લીધો કોહલીના ફેનનો જીવ, આ મુદ્દે બંને વચ્ચે થઈ હતી ચર્ચા

નવી દિલ્હીઃ ભારતીય ક્રિકેટરોના ફેન ફોલોઇંગની સંખ્યા મોટી સંખ્યામાં હોય છે. ખેલાડીઓને આ પ્રશંસક ભગવાનની જેમ પૂજે છે. તેની એક ઝલક જોવા માટે પોતાનો જીવ જોખમમાં મુકવા માટે પણ તૈયાર થઈ ગાય છે. એવું પણ જોવા મળ્યું કે જ્યારે ફેન્સ પોતાના પસંદગીના ખેલાડીની દીવાનગીમાં મેદાન પર પહોંચી જાય છે. અહીં સુધી તો વાત બરાબર છે પરંતુ તમિલનાડુમાં બે મિત્રો વચ્ચે ક્રિકેટને લઈને એવી ચર્ચા થઈ કે જેણે ખુની રંગ લઈ લીધો અને એકે બીજાની હત્યા કરી દીધી. 

રિપોર્ટ પ્રમાણે તમિલનાડુમાં બે  મિત્રો વચ્ચે રોહિત શર્મા અને વિરાટ કોહલીમાંથી કોણ સારો ક્રિકેટર છે તેને લઈને ચર્ચા થઈ. બંને વચ્ચે વાત એટલી વધી ગઈ કે એકે ચાકૂ કાઢીને બીજા પર હુમલો કરી દીધો અને તેનું મોત થઈ ગયું. બંને મિત્રો સાથે ડ્રિંક કરવા જઈ રહ્યાં હતા. 

જાણવા મળી રહ્યું છે કે વિરાટ કોહલીના ફેને રોહિત શર્મા વિશે અપશબ્દો કહ્યાં હતા. વાત ત્યાં સુધી પહોંચી કે રોહિત શર્માનો ફેન આ સહન કરી શક્યો નહીં અને તેણે વિરાટના ફેનને ચાકૂ મારી દીધો. હવે પોલીસે પણ આ ઘટનાની તપાસ શરૂ કરી દીધી છે. 

સોશિયલ મીડિયા પર વાયરલ થઈ ઘટના
આ ઘટનાને લઈને સોશિયલ મીડિયા પર ઘણા પ્રકારની વાતો વાયરલ થઈ રહી છે, જેમાં કહેવામાં આવી રહ્યું છે કે રોહિત શર્માના ફેને જ્યારે વિરાટ કોહલી અને આરસીબીની મજાક બનાવી તો ગુસ્સામાં તેણે તેના માથા પર બેટથી હુમલો કરી દીધો. ત્યારબાદ જે રોહિતના ફેને પોતાના સાથીના માથા પર બિયરની બોટલ મારી દીધી. ત્યારબાદ ચાકૂબાજીની ઘટના થઈ જેના કારણે ખુદને કોહલીનો ફેન ગણાવનાર વ્યક્તિનું મોત થઈ ગયું.