પૂર્વ ભારતીય ક્રિકેટર ઇરફાન પઠાણ બીજીવાર પિતા બન્યો, પુત્રનું નામ રાખ્યુ સુલેમાન ખાન

નવી દિલ્હીઃ ટીમ ઈન્ડિયાનો પૂર્વ ઓલરાઉન્ડર ઇરફાન પઠાણ બીજીવાર પિતા બન્યો છે. તેણે આ વાતની જાણકારી ટ્વિટર પર આપી છે. પઠાણની પત્નીએ 28 ડિસેમ્બરે બીજા પુત્રને જન્મ આપ્યો છે અને તેનું નામ સુલેમાન ખાન રાખવામાં આવ્યું છે. ઇરફાન પઠાણે ટ્વિટ કરીને લખ્યુ કે, તેની પત્ની સફા અને પુત્ર બંને સંપૂર્ણ રીતે સ્વસ્થ છે અને તેણે પોતાના પુત્રની સાથે એક તસવીર પણ શેર કરી છે. 

તમને જણાવી દઈએ કે ઇરફાન પઠાણે વર્ષો સુધી ભારતીય ક્રિકેટ ટીમનું પ્રતિનિધિત્વ કર્યુ છે અને ક્રિકેટમાંથી નિવૃત્તિ બાદ તે કોમેન્ટ્રેટર તથા ક્રિકેટ એક્સપર્ટના રૂપમાં કામ કરી રહ્યો છે. ભારત માટે તેણે 29 ટેસ્ટ, 120 વનડે અને 24 ટી20 મેચ રમી છે. ટેસ્ટ ક્રિકેટમાં તેણે 100 વિકેટ તો વનડેમાં તેના નામે 173 વિકેટ છે. આ સિવાય ટી20 આંતરરાષ્ટ્રીયમાં પઠાણના નામે 28 વિકેટ નોંધાયેલી છે.