GT vs SRH: આજે ગુજરાત ટાઈટન્સ અને સનરાઈઝર્સ હૈદરાબાદ વચ્ચે ખરાખરીનો જંગ, જાણો કેવી રહેશે વાનખેડે સ્ટેડિયમની પીચ

Kane Williamson Gujarat Titans vs Sunrisers Hyderabad IPL 2022: આઈપીએલની 15મી સીઝનમાં અડધી મેચ પુરી થઈ ગઈ છે અને આ વર્ષે નવી આવેલી ગુજરાત ટાઈટન્સની ટીમ ચેમ્પિયન્સની જેમ રમત રમી રહી છે. ત્યારે આજે 40મી મેચમાં ફરી એકવખત ગુજરાત ટાઈટન્સ અને સનરાઈઝર્સ હૈદરાબાદની વચ્ચે મેચ રમાશે. 

આ મેચ પહેલા ગુજરાત ટાઈટન્સની ટીમે 7 મેચ રમી છે અને તેમાંથી 6 મેચમાં ભવ્ય જીત મેળવી છે, જ્યારે હૈદરાબાદે 7માંથી 5 મેચમાં જીત હાંસલ કરી છે. આ મેચમાં કેન વિલિયમસનની કેપ્ટનશિપવાળી ટીમ આ મેચમાં જીત હાંસલ કરીને પોઈન્ટ ટેબલમાં ટોચનું સ્થાન મેળવવા માટે તલપાપડ છે. પરંતુ આ તમામ વાતો વચ્ચે સનરાઈઝર્સ હૈદરાબાદના કેપ્ટન વિલિયમસન માટે આ મેચમાં મોહમ્મદ શમી ખતરો બની શકે છે, જે વાતનું તેણે ખુબ જ ધ્યાન રાખવું પડશે.

જો અત્યાર સુધીના રેકોર્ડ પર નજર નાંખીએ તો ગુજરાતના ફાસ્ટ બોલર શમી, વિલિયમસન માટે ખતરનાક સાબિત થયો છે. શમીએ અત્યાર સુધી 10 ટી20 ઈનિંગમાં 4 વખત વિલિયમસનને પેવેલિયન ભેગો કર્યો છે. તેણે આ દરમિયાન 47 બોલમાં 66 રન આપ્યા છે. જેણા કારણે આ મેચમાં પણ વિલિયમસનને શમી વિરુદ્ધ સંભાળીને રમવું પડશે. જો તે શમીની બોલિંગ સામે થોડું પણ આજુબાજુ રહ્યા તો પોતાની વિકેટ ગુમાવી શકે છે. બીજી બાજુ વિલિયમસને નેટ્સમાં ખુબ જ મહેનત કરી છે.

આજે કેવી હશે એમસીએ સ્ટેડિયમની પીચ, ગુજરાત-હૈદરાબાદ મેચ (GT vs SRH Pitch Report)
બુધવારે (આજે) ગુજરાત ટાઈટન્સ અને સનરાઈઝર્સ હૈદરાબાદની ટીમ મુંબઈના વાનખેડે સ્ટેડિયમમાં રમવા ઉતરશે. વાનખેડે સ્ટેડિયમની પીચ બેટ્સમેનો માટે ખુબ જ સારી માનવામાં આવે છે, પરંતુ અહીં હવે બોલ થોડો રોકાઈને આવે છે. એવામાં જોવાનું તે રહેશે કે આજની મેચ હાઈસ્કોરિંગ હશે કે નહીં. વાનખેડે સ્ટેડિયમમાં રમાયેલી 7 મેચમાં હૈદરાબાદની ટીમ માત્ર 1 મેચ જીતી શકી છે એવામાં તેમના માટે આ મેદાન પર જીત હાંસિલ કરવી સરળ રહેશે નહીં.

ઉલ્લેખનીય છે કે, હૈદરાબાદે પોતાની છેલ્લી મેચમાં 9 વિકેટથી જીત હાંસલ કરી હતી. તેણે રોયલ ચેલેંજર્સ બેંગ્લોરને 9 વિકેટથી હરાવ્યું હતું. હૈદરાબાદની ટીમ હાલ જબરદસ્ત ફોર્મમાં છે અને તેણે પોતાની છેલ્લી 5 મેચમાં જીત મેળવી છે. જેના કારણે ટીમનો આત્મવિશ્વાસ સાતમા આસમાને છે, જ્યારે ગુજરાતે પોતાની ગત મેચમાં કોલકાતા નાઈટ રાઈડર્સની ટીમને 8 વિકેટથી હરાવ્યું હતું. ગુજરાતે પોતાની છેલ્લી ત્રણ મેચમાં જીતની હેટ્રીક લગાવી  છે. અગાઉ બન્ને ટીમ એક-બીજા સામે રમી ચૂકી છે, જેમાં ગુજરાતને હારનો સામનો કરવો પડ્યો હતો.