Asian Games 2023: શુટિંગમાં ઈતિહાસ રચાયો, ભારતે સિલ્વર બાદ ગોલ્ડ પણ જીત્યો, જાણો કુલ કેટલા મેડલ મળ્યા

Asian Games 2023: ભારતીય ટીમે હાંગઝોઉમાં યોજાયેલા એશિયન ગેમ્સ 2023માં શાનદાર શરૂઆત કરી છે. ભારતે પહેલો મેડલ 24 સપ્ટેમ્બરે જીત્યો હતો અને ત્યારબાદ સતત મેડલ આવી રહ્યા છે. ભારતની ઝોળીમાં વધુ એક ગોલ્ડ મેડલ આવ્યો છે. ભારતે શરૂઆતના ત્રણ દિવસમાં 14 મેડલ જીત્યા જ્યારે ચોથા દિવસે સિલ્વર મેડલ બાદ હવે ગોલ્ડ મેડલ પણ મળ્યો છે. 

શુટિંગમાં મળ્યો ગોલ્ડ
25 મીટર પિસ્તોલ ટીમ ઈવેન્ટમાં ભારતની મહિલા ખેલાડીઓએ ગોલ્ડ મેડલ જીત્યો છે. મનુ ભાકર, ઈશા સિંહ અને રિધમ સાંગવાનની ટીમે આ મેડલ જીતાડ્યો છે. એશિયન ગેમ્સ 2023માં ભારતના ફાળે અત્યાર સુધીમાં 4 ગોલ્ડ મેડલ આવ્યા છે.