હાર્દિક પંડ્યાના હેલ્મેટ પર બોલ વાગ્યો અને પછી સ્ટેડિયમમાં હાજર પત્નીની જે સ્થિતિ થઈ...

નવી દિલ્લીઃ ગુજરાત ટાઈટન્સના કેપ્ટન હાર્દિક પંડ્યાને સનરાઇઝર્સ હૈદરાબાદ (SRH)ના ફાસ્ટ બોલર ઉમરાન મલિકની ઓવરમાં બોલ હેલ્મેટ પર વાગ્યો હતો. આ ઘટના બાદ સ્ટેડિયમમાં હાર્દિક પંડ્યાને ચીયર કરવા આવેલી તેમની પત્ની નતાશા પણ ચોંકી ગઈ હતી.

હેલમેટ પર વાગ્યો બોલ-
ગુજરાત ટાઈટન્સની બેટિંગ દરમિયાન સનરાઇઝર્સ હૈદરાબાદનો ફાસ્ટ બોલર ઉમરાન મલિક 8મી ઓવરમાં બોલિંગ કરવા આવ્યો હતો. ઉમરાન મલિકે આ ઓવરનો પહેલો બોલ ખૂબ જ ઝડપી ફેંક્યો હતો,  જે સીધો હાર્દિક પંડ્યાના હેલ્મેટ પર વાગ્યો હતો

પત્ની નતાશા ચોંકી ગઈ-
હાર્દિક પંડ્યાના હેલમેટ પર બોલ વાગતા જ ગુજરાત ટાઇટન્સ ટીમના ફિઝિયો મેદાન પર આવ્યા અને હાર્દિક પંડ્યાની તપાસ કરવા લાગ્યા હતા. આ દરમિયાન સ્ટેડિયમમાં હાજર હાર્દિક પંડ્યાની પત્ની નતાશા ખૂબ જ ચિંતિત દેખાઈ હતી. હાર્દિક પંડ્યાએ એ જ ઓવરમાં શાનદાર બેટિંગ કરી હતી.

પંડ્યાની શાનદાર બેટિંગ-
8મી ઓવરનો પહેલો બોર હેલ્મેટ વાગ્યા બાગ બાદ હાર્દિક પંડ્યાએ શાનદાર બેટિંગ કરી અને  ઉમરાન મલિકની આ ઓવરના બીજા અને ત્રીજા બોલ પર બે ચોગ્ગા ફટકાર્યા. આ રીતે હાર્દિક પંડ્યાએ બદલો પૂરો કર્યો.

પંડ્યાની ભારે ટીકા-
ગુજરાત ટાઈટન્સના કેપ્ટન હાર્દિક પંડ્યાએ 42 બોલમાં 50 રન બનાવ્યા હતા, પરંતુ  8 વિકેટે કારમી હારનો સામનો કરવો પડ્યો હતો. આ મેચમાં ધીમી બેટિંગને પગલે હાર્દિક પંડ્યાની ઘણી ટીકા થઈ હતી.