ICC Test Rankings: કોહલીને પછાડી સ્મિથ બીજા સ્થાને પહોંચ્યો, રિષભ પંતને થયો મોટો ફાયદો

દુબઈઃ ICC Test Rankings: ભારતીય ક્રિકેટ ટીમના કેપ્ટન વિરાટ કોહલી  (Virat Kohli) આઈસીસી ટેસ્ટ બેટ્સમેનોની રેન્કિંગમાં ત્રીજા સ્થાને ખસકી ગયો છે જ્યારે ઓસ્ટ્રેલિયાનો દિગ્ગજ બેટ્સમેન સ્ટીવ સ્મિથ (Steve Smith) બીજા સ્થાન પર આવી ગયો છે. 

પુજારા આઠમાં સ્થાન પર પહોંચ્યો
બીજીતરફ ટીમ ઈન્ડિયાની દીવાલ કહેવાતો ચેતેશ્વર બૂજારા બે સ્થાન ઉપર ચઢીને આઠમાં સ્થાને આવી ગયો છે. કોહલીના 870 રેટિંગ પોઈન્ટ છે. તે પિતૃત્વ અવકાશને કારણે ઓસ્ટ્રેલિયા વિરુદ્ધ પ્રથમ ટેસ્ટ બાદ સ્વદેશ પરત આવી ગયો છે. તેની પત્ની અનુષ્કાએ સોમવારે પુત્રીને જન્મ આપ્યો છે. 

આ પણ વાંચોઃ રવિન્દ્ર જાડેજાએ ઓસ્ટ્રેલિયામાં કરાવી સર્જરી, કહ્યું- હવે વધુ તોફાની અંદાજમાં થશે વાપસી

વિલિયમસન ટોપ પર યથાવત
સ્મિથ 9000 પોઈન્ટની સાથે બીજા સ્થાન પર છે, જ્યારે ટોપ પર ન્યૂઝીલેન્ડનો કેપ્ટન કેન વિલિયમસન છે જેના 919 પોઈન્ટ છે. સ્મિથે સિડની ટેસ્ટમાં 131 અને 81 રન બનાવ્યા હતા. વિલિયમસને પાકિસ્તાન વિરુદ્ધ ક્રાઇસ્ટચર્ચ ટેસ્ટમાં 238 રનની ઈનિંગ રમી હતી. 

રહાણે સાતમાં સ્થાને
વિલિયમસન આઈસીસી રેન્કિંગમાં સર્વાધિક રેટિંગ પોઈન્ટ મેળવનાર કીવિ ક્રિકેટર પણ બની ગયો છે. ટીમ ઈન્ડિયાના કાર્યવાહક કેપ્ટન અંજ્કિય રહાણે  (Ajinkya Rahane) એક સ્થાનના નુકસાન સાથે સાતમાં સ્થાન પર છે. 

આ પણ વાંચોઃ AUS vs IND: ભારતને વધુ એક ઝટકો, હવે સ્ટાર બોલર જસપ્રીત બુમરાહ ઈજાને કારણે બહાર

રિષભ પંત 26માં સ્થાને પહોંચ્યો
રિષભ પંતે 39 અને 97 રન બનાવ્યા જેની મદદથી તે 19 સ્થાનની છલાંબ લગાવી 26માં સ્થાને પહોંચી ગયો છે. હનુમા વિહારી 52માં, શુભમન ગિલ 69માં અને અશ્વિન 89માં સ્થાન પર છે. 

અશ્વિનને નુકસાન
બોલરોમાં ઓફ સ્પિનર અશ્વિન બે સ્થાન નીચે આવીને નવમાં સ્થાન પર છે. જ્યારે બુમરાહ એક સ્થાનના નુકસાનની સાથે દસમાં સ્થાને છે. પેટ કમિન્સ બોલરોની યાદીમાં ટોપ પર છે, જ્યારે સ્ટુઅર્ટ બ્રોડ બીજા સ્થાને છે. 

આઈસીસી રેન્કિંગમાં ટોપ-10 બેટ્સમેન