2022 મહિલા વિશ્વકપની પ્રાઇઝ મની આઈસીસીએ કરી ડબલ, વિજેતા ટીમને મળશે આટલા કરોડ

નવી દિલ્હીઃ 4 માર્ચથી ન્યૂઝીલેન્ડમાં શરૂ થનાર આઈસીસી મહિલા ક્રિકેટ વિશ્વકપ 2022માં પુરસ્કાર રકમમાંમોટો વધારો કરવામાં આવ્યો છે. આ ટૂર્નામેન્ટનું આયોજન 6 સ્થળોએ થવાનું છું, જેની રકમ 1.32 મિલિયન અમેરિકી ડોલર રાખવામાં આવી છે, જે ઈંગ્લેન્ડમાં 2017માં રમાયેલ વિશ્વકપની ઈનામી રકમ કરતા બમણી છે. મંગળવારે આંતરરાષ્ટ્રીય ક્રિકેટ પરિષદે આપેલી માહિતી પ્રમાણે કુલ પુરસ્કાર રકમમાં પણ 75 ટકાનો વધારો થયો છે, જેમાં આઠ ટીમોને 35 લાખ અમેરિકી ડોલરનો ભાગ લીધો છે, જે પાછલી સીઝનની તુલનામાં 1.5 મિલિયન અમેરિકી ડોલર વધુ છે. 

મહિલા ટીમ પર થશે પૈસાનો વરસાદ
આઈસીસી વિશ્વકપ જીતનાર ટીમને 1.32 મિલિયન અમેરિકી ડોલર (આશરે 10 કરોડ રૂપિયા) મળશે. તો રનર્સઅપ ટીમને 600,000 અમેરિકી ડોલર મળશે. 2017ના વિશ્વકપમાં રનર્સઅપ ભારતીય મહિલા ટીમને 270,000 અમેરિકી ડોલરની પુરસ્કાર રાશિ મળી હતી. સેમીફાઇનલમાં હારનારી બે ટીમોને  300,000 અમેરિકી ડોલર મળશે, જ્યારે ગ્રુપ સ્ટેડમાં બહાર થનારી ટીમોને 70,000 અમેરિકી ડોલરનું ઈનામ મળશે. જે પાછલી સીઝનના 30,000 અમેરિકી ડોલરના પુરસ્કાર કરતા વધુ છે. 

માર્ચ મહિનાથી શરૂ થશે ટૂર્નામેન્ટ
2022ની સીઝનમાં કુલ 28 ગ્રુપ મેચ રાઉન્ડ રોબિન ફોર્મેટમાં રમાશે, જેમાં દરેક ટીમ બીજી ટીમ સાથે એક-એક વખત રમશે. ત્યારબાદ પોઈન્ટ ટેબલની ટોપ ચાર ટીમ સેમીફાઇનલમાં એન્ટ્રી કરશે. આઈસીસી મહિલા વિશ્વકપ 4 માર્ચથી 3 એપ્રિલ વચ્ચે ન્યૂઝીલેન્ડના છ શહેરોમાં રમાશે.