બોલ ટેમ્પરિંગઃ સ્મિથ, વોર્નર, બેનક્રોફ્ટને ઓસ્ટ્રેલિયા રવાના કરાશે, લેહમનને ક્લીનચિટ

જોહનિસબર્ગઃ બોલ ટેમ્પરિંગમાં સામેલ ઓસ્ટ્રેલિયાઈ ખેલાડીઓને ગંભીર પરિણામ ભોગવવું પડ્યું છે. આ મામલામાં ક્રિકેટ ઓસ્ટ્રેલિયાના સીઈઓ જેમ્સ સદરલેન્ડે પત્રકાર પરિષદ કરીને જાણકારી આપી હતી. 

જેમ્સ સદરલેન્ડે શરૂઆતમાં આ વિવાદ માટે માફી માંગી હતી. જેમ્સે જણાવ્યું કે, આ મામલે ક્રિકેટ ઓસ્ટ્રેલિયા અને આઈસીસી તરફથી તપાસ કરવામાં આવી. તપાસ હજુ પૂર્ણ થઈ નથી, પરંતુ શરૂઆતી તપાસથી જાણવા મળ્યું કે, આ ષડયંત્ર વોર્નર અને કેમરન બેનક્રોફ્ટ તરફથી રચવામાં આવ્યું હતું. 

આ ત્રણ ખેલાડીઓના સ્થાને ટીમમાં ગ્લેન મેક્સવેલ, જીઓ બર્ન અને મેટ રેનશોનો સમાવેશ કરવામાં આવ્યો છે. આ શ્રેણીની અંતિમ ટેસ્ટ 30 માર્ચથી જોહનિસબર્ગમાં રમાવાની છે.