IND vs BAN : ફ્લાઈંગ રોહિત, કોહલીના હાથમાંથી ઝુંટવી લીધો કેચ, જુઓ VIDEO...

નવી દિલ્હીઃ યજમાન ભારત અને બાંગ્લાદેસ વચ્ચે બહુપ્રતીક્ષિત ડે-નાઈટ ટેસ્ટ મેચ શુક્રવારે શરૂ થઈ છે. આશા પ્રમાણે ભારતીય બોલરોએ પિન્ક બોલનો ફાયદો ઉઠાવ્યો છે. તેમણે પ્રારંભિક કલાકમાં જ ચાર વિકેટ ઝડપીને બાંગ્લાદેશની ટીમને બેકફૂટ પર ધકેલી દીધી હતી. ભારતીય ટીમે મહેમાન ટીમના ચાર ખેલાડીને માત્ર 26 રનમાં જ પેવેલિયન ભેગા કરી દીધા હતા. આ પ્રદર્શનમાં બોલરોની સાથે-સાથે રોહિત શર્માનું પમ મહત્વુનું યોગદાન રહ્યું છે, જેણે સુપરમેન જેવી છલાંગ લગાવીને એક હાથે સુંદર કેચ ઝડપ્યો હતો. 

યજમાન ભારત અને બાંગ્લાદેશ વચ્ચે શુક્રવારે રમાઈ રહેલી બીજી ટેસ્ટના પ્રથમ દિવસે બાંગ્લાદેશની ટીમ લંચ સુધી 85 રનમાં 7 વિકેટ ગુમાવી ચુકી છે. કોલકાતાના ઈડન ગાર્ડન્સમાં રમાઈ રહેલી આ મેચમાં બાંગ્લાદેશે ટોસ જીતીને પ્રથમ બેટિંગ પસંદ કરી હતી. 

સુપરમેન રોહિત 
બાંગ્લાદેશના કેપ્ટન મોમિનુલ હકને આમ તો ઉમેશ યાદવે આઉટ કર્યો હતો, પરંતુ તેમાં રોહિત શર્માનું યોગદાન મહત્વપૂર્ણ રહ્યું છે. ઉમેશનો એંગલ બનાવતો બોલ મોમિનુલ હક પાસે આવ્યો. આ એવી લાઈન હતી જેના પર નિર્ણય લેવો મુશ્કેલ હોય છે કે આ બોલને રમવો કે ન રમવો. મોમિનુલ હક હજુ કંઈ વિચારે એ પહેલા જ બોલ બેટની ધાર પર અડ્યો અને સીધો જ સ્લીપમાં પહોંચ્યો.