IND vs ENG: Jasprit Bumrah-Mohammed Shami એ તોડ્યું ઇંગ્લેન્ડનું અભિમાન, તાબડતોડ બેટીંગ કરી પલટી દીધી બાજી

નવી દિલ્હી: ઇંગ્લેન્ડના ઐતિહાસિક મેદાન લોર્ડ્સ પર ભારત અને ઇંગ્લેન્ડ વચ્ચે પાંચ મેચની સીરીઝની બીજી ટેસ્ટ મેચ રમાઇ રહી છે. આ મેચના અંતિમ દિવસે બંને ટીમો વચ્ચે મુકાબલો ખૂબ રોમાચક થઇ ચૂક્યો છે. એક સમયે દિવસે રમતની શરૂઆત થતાં જ ઇંગ્લેન્ડએ મેચમાં પોતાની સ્થિતિ મજબૂત કરી લીધી હતી. પરંતુ નીચલા ક્રમમાં બેટીંગ કરવા આવેલા મોહમંદ શમી અને જસપ્રીત બુમરાહે આ અંગ્રેજો પાસેથી આ મેચને લગભગ છીનવી લીધી છે. 

ભારત માટે હીરો બન્યા બુમરાહ અને શમી
પાંચમા દિવસે પહેલા સેશનમાં જસપ્રીત બુમરાહ (Jasprit Bumrah) અને મોહમંદ શમીની શાનદાર બેટીંગએ ઇંગ્લેન્ડના હાથમાંથી લગભગ આ મેચ ઝૂંટવી લીધી છે. જોકે આ બંને ખેલાડીઓ વચ્ચે 9મી વિકેટ માતે લંચ સુધી 77 રનની ભાગીદારી થઇ ચૂકી છે. શમી 52 અને બુમરાહ 30 રન બનાવીને અણનમ પરત ફર્યા. ભારતની બઢત હવે 259 રન થઇ ગયા છે. તો બીજી તરફ ભારતનો કુલ સ્કોર 286 રન પર 8 વિકેટ થઇ ચૂકી છે.