IND vs ENG: વિરાટ કોહલીની આ સ્પીચે ઇન્ટરનેટ પર માચાવ્યો તહેલકો, સોશિયલ મીડિયા પર વાયરલ

નવી દિલ્હી: ભારતીય ક્રિકેટ ટીમે લોર્ડ્સ (Lords) ખાતે રમાયેલી બીજી ટેસ્ટ મેચમાં ઈંગ્લેન્ડને હરાવીને ઐતિહાસિક જીત નોંધાવી. આ મેચને ભારતીય ટીમે 151 રનથી જીતી હતી. આ સાથે 5 મેચની સિરીઝમાં હવે ભારતીય ટીમ 1-0 થી આગળ છે. ઇંગ્લેન્ડની બીજી ઇનિંગ પહેલા જ ભારતીય કેપ્ટન વિરાટ કોહલીએ (Virat Kohli) તેના ખેલાડીઓને એક સ્પીચ આપી હતી, જે સોશિયલ મીડિયા પર ભારે વાયરલ થઇ રહી છે.

વિરાટે ખેલાડીઓને આપ્યું જોરદાર ભાષણ 
હકીકતમાં, બીજી ઇનિંગમાં બેટિંગ કર્યા બાદ ભારતીય ટીમે ઇંગ્લેન્ડને 272 રનનો ટાર્ગેટ આપ્યો હતો. ભારતે આ રન 60 ઓવરમાં બચાવવાના હતા. ઇંગ્લેન્ડની બીજી ઇનિંગની શરૂઆત પહેલા કેપ્ટન વિરાટ કોહલીએ મેદાન પર પોતાના ખેલાડીઓને ભાષણ આપ્યું હતું. કોહલીએ પોતાના ખેલાડીઓને ભાષણ આપતાં કહ્યું કે ઇંગ્લેન્ડને અહીં નરક જેવું લાગવું જોઇએ.

આ પણ વાંચો:- ICC એ ટી20 વિશ્વકપનો કાર્યક્રમ કર્યો જાહેર, 24 ઓક્ટોબરે ભારત અને પાકિસ્તાન વચ્ચે ટક્કર