VIDEO: હાર્દિક પંડ્યાએ મેદાનની વચ્ચે ઈશાન કિશન પર પિત્તો ગુમાવ્યો, બરોબરનો બગડ્યો

Dunith Wellalage: ભારત સામેની એશિયા કપ 2023 સુપર ફોરની મેચમાં દુનિથ વેલાલાગેએ જે પણ સ્પર્શ કર્યું એ ગોલ્ડમાં ફેરવાઈ ગયું. ડાબોડી શ્રીલંકાના સ્પિનરે માત્ર 36 રન આપીને રોહિત-વિરાટ જેવી પાંચ મોટી વિકેટ ઝડપી હતી. ટોસ જીતીને પ્રથમ બેટિંગ કરવા ઉતરેલી ભારતીય ટીમ સારી શરૂઆત બાદ માત્ર 213 રનમાં જ સમેટાઈ ગઈ હતી. બોલિંગ ઉપરાંત દુનિથ વેલાલેગે ફિલ્ડિંગમાં પણ ચમત્કાર કર્યો હતો. ઈશાન કિશનનો જબરદસ્ત કેચ લીધો હતો. ભારત માટે આ એક મોટી વિકેટ હતી, તે પડતાંની સાથે જ નોન-સ્ટ્રાઈક એન્ડ પર રહેલો હાર્દિક પંડ્યા પોતાની ખીજ પર કાબૂ ન રાખી શક્યો.

ખરેખર, દુનિથ વેલાલાગે સિવાય પાર્ટ-ટાઈમ સ્પિનર ​​ચરિથ અસલંકાએ પણ ચાર વિકેટ ઝડપી હતી, જેમાં ઈશાન કિશનની વિકેટ પણ સામેલ હતી. ઈશાન 60 બોલ રમીને સેટ થઈ ગયો હતો. 33 રન બનાવીને ક્રિઝ પર સેટ થયો હતો અને હાર્દિક પંડ્યા સાથે સારી ભાગીદારી કરી રહ્યો હતો. આ દરમિયાન અસલંકાએ 35મી ઓવરમાં ફુલ બોલ ફેંક્યો હતો. ઓફ સ્ટમ્પની બહાર ફેંકવામાં આવેલા બોલ પર ઈશાન કિશને જોરદાર પ્રહાર કર્યો હતો અને તે અહીં ચૂકી ગયો. એવું લાગતું હતું કે બોલ કવર ફિલ્ડરની ઉપરથી જશે, પરંતુ સતર્ક દુનિથ વેલાલાગે યોગ્ય સમયે કૂદકો મારીને હવામાં શાનદાર કેચ પકડ્યો હતો.

...અને હાર્દિક બરોબરનો બગડ્યો
170 રન પર ભારતને આ પાંચમો આંચકો લાગ્યો હતો. ઈશાન કિશન આઉટ થતાં જ નોન-સ્ટ્રાઈક એન્ડ પર ઊભેલા હાર્દિક પંડ્યા ગુસ્સે થઈ ગયો હતો. તે ઈશાનના શોટ સિલેક્શનથી બિલકુલ ખુશ નહોતો. વાયરલ વીડિયોમાં તેની પ્રતિક્રિયા જોઈ શકાય છે, જો કે આ પછી હાર્દિક પંડ્યા (5) પણ ચાલવા લાગ્યો. આગલી ઓવરના છેલ્લા બોલ પર દુનિથ વેલાલાગે તેને જાદુઈ બોલથી વિકેટકીપર કુસલ મેન્ડિન્સ પાસે આઉટ કરાવ્યો હતો.

velalageએ લગાવી ભારતની વાટ
 ટોસ જીતીને પ્રથમ બેટિંગ કર્યા બાદ ભારતને કેપ્ટન રોહિત શર્મા (53) અને શુભમન ગિલ (19) તરફથી સારી શરૂઆત મળી હતી. 22મો રન પૂરો કરતાંની સાથે જ રોહિત શર્મા વન-ડે ઈન્ટરનેશનલમાં 10 હજાર રન પૂરા કરનાર ભારતનો છઠ્ઠો અને વિશ્વનો 15મો બેટ્સમેન બની ગયો. હિટમેને ફાસ્ટ બોલર કાસુન રાજિતાના માથા પર સિક્સર ફટકારીને આ માઈલસ્ટોન સુધી પહોંચ્યો હતો. જ્યારે 12મી ઓવરમાં સ્કોર 80 રન પર પહોંચ્યો હતો ત્યારે દુનિથ વેલાલાગેના તોફાને ભારતીય ઇનિંગ્સને સમેટી લેવાનું શરૂ કર્યું હતું. ગિલ, વિરાટ, રોહિત, કેએલ રાહુલ અને હાર્દિક પંડ્યાને આઉટ કરીને ભારત સામે પાંચ વિકેટ ઝડપનાર વેલાલાગે ચોથો શ્રીલંકન બોલર બન્યો હતો.