અન્ડર-19 વિશ્વકપની ફાઇનલમાં પહોંચ્યું ભારત, દિગ્ગજોએ સોશિયલ મીડિયા પર આપી શુભેચ્છા

પોચેસ્ત્ર (દક્ષિણ આફ્રિકા): ભારતીય ટીમે દમદાર પ્રદર્શનની મદદથી પાકિસ્તાનને સેમિફાઇનલમાં 10 વિકેટથી હરાવીને મંગળવારે અન્ડર-19 વિશ્વકપની ફાઇનલમાં જગ્યા બનાવી લીધી છે. ઓપનર યશસ્વી જયસ્વાલે સદી (105*) ફટકાર્યા અને દિવ્યાંશ સક્સેનાએ પણ અણનમ 59 રનની ઈનિંગ રમી હતી. આ જીત બાદ દિગ્ગજ હસ્તિઓએ ભારતીય ટીમને શુભેચ્છા આપી છે. 

ભારતીય ટીમ સતત ત્રીજીવાર અન્ડર-19 વિશ્વકપની ફાઇનલમાં પહોંચી છે. ભારતીય બોલરોએ પહેલા પાકિસ્તાનને 172 રનમાં સમેટી દીધું હતું. ત્યારબાદ માત્ર 35.2 ઓરમાં 176 રન બનાવીને જીત હાસિલ કરી હતી. 

દિગ્ગજ ક્રિકેટર વીવીએસ લક્ષ્મણે લખ્યું, 'યુવા યશસ્વી જયસ્વાલને જોઈને સારૂ લાગ્યું, બોલિંગે પણ વિપક્ષી ટીમને શિકંજો કસ્યો. ભારત માટે વધુ એક આસાન જીત અને ફાઇનલમાં ફાઇનલ માટે શુભકામનાઓ.'