બ્રિસ્બેન T20: રમત પહેલા બહાર આવી ટીમ ઇન્ડિયાની તૈયારી અને મસ્તી, જુઓ વીડિયો

બ્રિસ્બેન: ગત બે વિદેશી પ્રવાસ પર ખરાબ રમતના કારણે ટિકાનો શિકાર થનારી ભારતીય ટીમ આ વર્ષના છેલ્લા વિદેશ પ્રવાસ બુધવાર (21 નવેમ્બર)થી ઓસ્ટ્રેલિયાની સામે શરૂ થઇ રહ્યો છે. બંને ટીમ ત્રણ T20 મેચની સીરીઝની પ્રથમ મેચ ગાબા સ્ટેડિયમમાં રમશે. ભારતે હાલમાં જ તેમના ઘરે ટી-20ની વિશ્વ વિજેતા ટીમ વેસ્ટઇન્ડિઝને હરાવ્યું હતું. આ સીરીઝમાં પણ તેઓ તેમના વિજય ક્રમને જાળવી રાખવા માંગશે. વેસ્ટઇન્ડિઝની સામે વિરાટ કોહલીએ આરામ કર્યો હતો. કહોલી હવે આ સીરીઝ માટે ટીમમાં પરત ફર્યો છે. ભારતીય ચીમ ઘણી મજબૂતી સાથે આ સીરીઝમાં ઉતરી રહી છે, પરંતુ ઓસ્ટ્રેલીયા આ સમયે એવા હાલાતથી પસાર થઈ રહી છે જ્યાં તેઓ તેમની ખ્યાતિના અનુરૂપ દેખાઇ રહ્યાં નથી.

આ વર્ષે માર્ચમાં દક્ષિણ આફ્રિકાના કેપટાઉનમાં રમાઇ ચૂકેલી ટેસ્ટ મેચમાં બોલ ટેપરિંગ વિવાદ બાદ ક્રિકેટ ઓસ્ટ્રેલિયા (સીએ)ને તાત્કાલીક કેપ્તાન સ્ટીવ સ્મિથ, ડેવિડ વોર્નર અને કેમરૂન બૈનક્રોફ્ટ પર પ્રતિબંધ લગાવી દીધો હતો. ત્યારથી ઓસ્ટ્રેલિયાન ક્રિકેટ એક મોટા ફેરફારથી પસાર થઇ રહી છે. સ્મિથ અને વોર્નર ટીમના ખૂબ મહત્વના ખેલાડી હતા અને આ બંનેના કારણે ઓસ્ટ્રેલિયાને જે નુકસાન ભોગવવું પડી રહ્યું છે તે હાલના સમયમાં તેમને મળી રહેલી હારથી જાણવા મળી રહ્યું છે. એવામાં ભારતની સામે જો ઓસ્ટ્રેલિયાની ટીમ ઉભી રહે છે તો ઘણી નબળી જોવા મળી રહી છે.

એવામાં ભારતનો રસ્તો સરળ થઇ ગયો હોય તેવું લાગી રહ્યું છે. ભારતીય કેપ્તાન કોહલી જે મેજબાન ટીમને હળવાશમાં લેવાના મૂડમાં નથી. તેણે કહ્યું કે ઘરમાં રમતા સમયે ઓસ્ટ્રેલિયા સ્મિથ અને વોર્નર વગર પણ મજબૂત ટીમ છે. તો પણ બંને ટીમોની સરખામણીએ ભારત વધારે મજબૂત જોવા મળી રહી છે. આવો જોઇએ કે ઓસ્ટ્રેલિયાને હરાવવા માટે ટીમ ઇન્ડિયા કેવા પ્રકારની તૈયારી કરી રહ્યું છે આ સાથે ટીમ ઇન્ડિયા ઓસ્ટ્રેલિયામાં ખૂબ જ મસ્તી કરી રહી છે.

ટી-20 સીરીઝથી પહેલા લાગે છે કે ભારતીય ટીમ મસ્તીના મૂડમાં જોવા મળી રહી છે. ટીમ ઇન્ડિયાના મનીષ પાંડે અને કુલદીપ યાદવના અભ્યાસમાં એક અલગ પ્રકાર જોવા મળ્યો છે. તેને જોઇ એવું લાગે છે બંને એકબીજા સાથે ઝગડી રહ્યા હોય. કુલદીપ યાદવે તેની અને મનીય પાંડેની એક ફોટો શેર કરી છે. અને કેપ્શનમાં લખ્યું છે કે મનીષ પાંડેનું બાળપણ અહીં જોવા મળી રહ્યું છે કે અમે ઝગડી રહ્યા છે, પરંતુ ગાબામાં મેચથી પહેલા આ અમારી મસ્તી છે.