IND vs ENG: આઉટ થયા બાદ ગુસ્સે ભરાયા કોહલી! ગુસ્સામાં કોને માર્યો મુક્કો?

નવી દિલ્હી: ટીમ ઇન્ડીયા અત્યારે ઇંગ્લેંડ વિરૂદ્ધ 5 મેચોની સીરીઝ સાથે ચોથા મુકાબલામાં ટકરાઇ રહી છે. આ મેચની બીજી ઇનિંગમાં ભારતીય બેટ્સમેન શાનદાર રમત રમી રહ્યા છે. પરંતુ બાકી મેચોની માફ્ક આ મેચમાં પણ ભારતીય કેપ્ટન વિરાટ કોહલી એક સારી શરૂઆત બાદ આઉટ થઇ ગયા. ત્યારબાદ કેપ્ટને ડ્રેસિંગ રૂમમાં જઇને પોતાનો ગુસ્સો કાઢ્યો. 

આઉટ થતાં ભડક્યા વિરાટ
ચોથા દિવસના પહેલા સેશનમાં ભારતને સૌથી મોટો આંચકો ત્યારે લાગ્યો જ્યારે વિરાટ કોહલી મોઇન અલીના બોલમાં આઉટ થઇ ગયા. વિરાટ અને તેમના ફેન્સ તેમની પાસે 71મી સદીની આશા રાખીને બેઠા હતા. 

પરંતુ જ્યારે વિરાટ આઉટ થઇને પેવેલિયન લોંજ જઇ રહ્યા હતા તેમના ચહેરા પર પણ નિરાશા સ્પષ્ટ જોવા મળી. વિરાટે ડ્રેસિંગ રૂમમાં પહોંચતાં જ નારાજગીમાં દિવાલને મુક્કો માર્યો. વિરાટને જોઇને એવું લાગી રહ્યું હતું કે તે આઉટ થઇને ખૂબ નિરાશ છે. આ ઘટનાનો એક વીડિયો સોશિયલ મીડિયા પર જોરદાર વાયરલ થઇ રહ્યો છે.