IND vs PAK SAFF Championship: સુનીલ છેત્રીની હેટ્રિક, સૈફ ચેમ્પિયનશિપમાં ભારતે પાકિસ્તાનને 4-0થી હરાવ્યું

બેંગલુરૂઃ ભારતીય ફુટબોલ ટીમે સૈફ ચેમ્પિયનશિપ 2023ની બીજી મેચમાં પાકિસ્તાનને 4-0થી હરાવી વિજયી શરૂઆત કરી છે. શ્રી કાંતીરવા સ્ટેડિયમમાં રમાયેલા મુકાબલામાં ભારત માટે કેપ્ટન સુનીલ છેત્રીએ હેટ્રિક ગોલ કર્યા હતા. તેના ગોલની મદદથી સુનીલ છેત્રીએ બીજા એશિયન આંતરરાષ્ટ્રીય ગોલ સ્કોરરના રેકોર્ડની બરોબરી કરી છે. જ્યારે ઉદાન્તાએ 81મી મિનિટે ગોલ કર્યો હતો. સપ્ટેમ્બર 2018 બાદ ભારત અને પાકિસ્તાન વચ્ચે પ્રથમ ફુટબોલ મેચ રમાઈ હતી. પાંચ વર્ષ પહેલા ભારતે પાડોશી દેશની સૈફ ટૂર્નામેન્ટની સેમીફાઈનલમાં 3-1થી પરાજય આપ્યો હતો. 

ભારત માટે સુનીલ છેત્રીએ 10મી અને 16મી મિનિટમાં ગોલ કર્યો હતો. બીજા હાફમાં છેત્રીએ 74 મિનિટમાં ગોલ કરીને પોતાની હેટ્રિક પૂરી કરી હતી. છેત્રીએ ત્રણમાંથી બે ગોલ પેનલ્ટી પર કર્યા હતા. ત્યારબાદ ઉદાન્તા સિંહે 71મી મિનિટે ગોલ કર્યો હતો.