Video: ભારત સામે હારની અસર, મેદાન વચ્ચે ઝગડવા લાગ્યા શ્રીલંકાના કોચ અને કેપ્ટન

કોલંબોઃ ભારતે શ્રીલંકાને કોલંબોમાં રમાયેલી બીજી વનડે મેચમાં જે રીતે હરાવ્યું તે દિલ તોડવા જેવું હતું. આ હારથી શ્રીલંકાની ટીમમાં તોફાન આવી ગયું છે. આ હાર બાદ મેદાન પર શ્રીલંકાના કોચ મિકી આર્થર (Mickey Arthur) કેપ્ટન દાસુન શનાકા (Dasun Shanaka) ઝગડતા જોવા મળ્યા છે. શ્રીલંકાએ જીતેલી મેચ ભારતને ભેટમાં આપી દીધી, જેથી શ્રીલંકાના હેડ કોચ મિકી આર્થર ભડકી ગયા છે. 

મેદાન પર આમને-સામને કોચ અને કેપ્ટન
શ્રીલંકાના હેડ કોચ મિકી આર્થર અને કેપ્ટન દાસુન શનાકા મેદાન પર સામસામે આવી ગયા. દીપક ચહર અને ભુવનેશ્વર કુમારે શ્રીલંકા પાસેથી આ જીત છીનવી લીધી હતી. સૌથી વધુ દુખ શ્રીલંકાના કોચ આર્થરના ચહેરા પર જોવા મળ્યુ હતું. જ્યારે મેચ પૂરી થઈ તો મિકી આર્થર મેદાન પર કેપ્ટન શનાકા સાથે ઉગ્ર ચર્ચા કરતા જોવા મળ્યો. બંનેની આ તનાતનીનો વીડિયો સોશિયલ મીડિયા પર વાયરલ થઈ રહ્યો છે. 

ચહર અને ભુવીની દમદાર બેટિંગ
ભારતીય ટીમે બીજી વનડેમાં શ્રીલંકાને 3 વિકેટે પરાજય આપ્યો છે. આ સાથે ભારતે ત્રણ મેચોની સિરીઝમાં 2-0થી લીડ મેળવી લીધી છે. દીપક ચહર અને ભુવનેશ્વર કુમારે આઠમી વિકેટ માટે 84 રનની ભાગીદારી કરી ભારતને જીત અપાવી હતી. દીપક ચાહરે અણનમ 69 રન બનાવ્યા હતા.