માથા પર સ્કાર્ફ પહેરવો હતો ફરજિયાત, ખેલાડીએ ચેસ ચેમ્પિયનશિપમાંથી નામ પરત લીધું

નવી દિલ્હી: ભારતની ચેસ સ્ટાર સૌમ્યા સ્વામીનાથન ઇરાનના હમદાનમાં યોજાનારી ચેસ ઇવેંટમાંથી બહાર થઇ ગઇ છે. સૌમ્યા મહિલાઓ માટે ઇરાનમાં માથા પર સ્કાર્ફના નિયમોના લીધે તે આ અયોજનમાંથી બહાર થઇ ગઇ છે. સૌમ્યાને એશિયન નેશનલ કપ ચેસ ચેમ્પિયનશિપમાં ભાગ લેવાનો હતો. આ ઇવેંટ 26 જૂલાઇથી 4 ઓગસ્ટ વચ્ચે યોજાવવાની હતી. તેમાં બધી મહિલાઓ માટે આ નિયમ છે કે તે માથા પર સ્કાર્ફ પહેરીને રમી શકે છે. સૌમ્યાને આ નિયમને તેમના અંગત અધિકારનું ઉલ્લંઘન ગણાવ્યો અને ઇવેંટમાં ભાગ ન લેવાનો નિર્ણય કર્યો.

મહિલા ગ્રાંડમાસ્ટર અને પૂર્વ જૂનિયર ગર્લ્સ ચેસ ચેમ્પિયન સૌમ્યા સ્વામીનાથને ફેસબુક પર આ નિયમ વિરૂદ્ધ પોતાનું મંતવ્ય રજૂ કર્યું છે. તેમણે લખ્યું છે કે -હું આગામી એશિયન નેશનલ કપ ચેસ ચેમ્પિયનશિપ 2018માં ભાગ લેનાર મહિલા ટીમ પાસે માફી માંગુ છું. 26 જૂલાઇ થી 4 ઓગસ્ટ દરમિયાન ઇરાનમાં યોજાનારી આ ટૂર્નામેંટમાં મહિલાઓના માથા પર સ્કાર્ફ પહેરવા માટે કહેવામાં આવી રહ્યું છે. હું નથી ઇચ્છતી કે કોઇ અમને સ્કાર્ફ અથવા બુરખો પહેરવા માટે દબાણ કરે. 

સૌમ્યાએ લખ્યું- મેં જોયું છે કે ઇરાનમાં માથા પર સ્કાર્ફ અનિવાર્ય અથવા બુરખાનો નિયમ મારા માનવીય અધિકારોને ખાસકરીને ફ્રીડમ ઓફ એક્સપ્રેશન, ફ્રીડમ ઓફ થોટ, મારી ચેતના અને મારા ધર્મનું ઉલ્લંઘન છે. આ સ્થિતિમાં પોતાના અધિકારોની રક્ષા માટે મારી પાસે એક જ રસ્તો બચ્યો હતો કે હું ઇરાન ન જાઉં. સૌમ્યા સામીનાથને એ પણ કહ્યું કે આયોજકોની નજરમાં નેશનલ ટીમ માટે ડ્રેસ કોડ લાગૂ કરવો ખોટું છે. રમતોમાં કોઇપણ ધાર્મિક ડ્રેસ કોડ લાગૂ ન કરી શકાય. 

સ્વામીનાથને પોતાની પોસ્ટમાં એ પણ કહ્યું કે આંતરરાષ્ટ્રીય ઇવેન્ટમાં ભારતનું પ્રતિનિધિત્વ કરવું ગૌરવની વાત છે. તેમને આ વાતનો અફસોસ છે કે તે ઇરાન જઇ શકતી નથી, પરંતુ કેટલીક વસ્તુઓ સાથે સમજોતો ન કરી શકાય.

ભારતની નંબર 5 મહિલા ચેસ ખેલાડી 29 વર્ષીય સૌમ્યાએ કહ્યું કે એક ખેલાડી રમતને પોતાની જીંદગીમાં સૌથી પહેલો ખતરો છે અને તેના માટે કોઇપણ પ્રકારના સમજોતા કરે છે પરંતુ કેટલીક વસ્તુઓ એવી હોય છે કે જેની સાથે સમજોતો ન કરી શકાય. તમને જણાવી દઇએ કે રમતના ખેલાડીઓ માટે માથા પર સ્કાર્ફ પહેરવાને લઇને વિશ્વ ખેલ જગતમાં અનેક વિવાદ થઇ ચૂક્યા છે. કેટલાક દેશોએ તેના વિરૂદ્ધ કહ્યું તો ઇરાન જેવા કેટલાક દેશોએ મહિલાઓ માટે તેને અનિવાર્ય બનાવી દીધું.