INDvsNZ: ન્યૂઝીલેન્ડના પ્રવાસ માટે ભારતીય ટીમની જાહેરાત, સંજૂ સેમસન બહાર

નવી દિલ્હીઃ ન્યૂઝીલેન્ડના પ્રવાસ માટે ભારતીય ટી20 ટીમની જાહેરાત કરી દેવામાં આવી છે. ભારતીય ટીમ ન્યૂઝીલેન્ડના પ્રવાસ પર પાંચ મેચોની ટી20 સિરીઝ રમશે. આ સિવાય ત્રણ મેચોની વનડે સિરીઝ અને 2 મેચોની ટેસ્ટ સિરીઝ પણ રમાશે. 

શ્રીલંકા સામે ટી20 સિરીઝમાં આરામ કર્યાં બાદ ભારતીય વાઇસ કેપ્ટન રોહિત શર્માની ટીમમાં વાપસી થઈ છે. તો સંજૂ સેમસનને બહાર કરી દેવામાં આવ્યો છે. દીપક ચહર, ભુવનેશ્વર કુમાર અને હાર્દિક પંડ્યા ઈજાને કારણે ટીમની બહાર છે. તો ભારતીય ટીમ ચાર ફાસ્ટ બોલર જસપ્રીત બુમરાહ, શામી, શાર્દુલ ઠાકુર અને નવદીપ સૈનીની સાથે ન્યૂઝીલેન્ડના પ્રવાસે જશે.