INDvsBAN : કેપ્ટન કોહલીના સૌથી ઝડપી 5000 રન, તોડ્યો પોન્ટિંગ-લોઈડનો રેકોર્ડ

નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલીએ પોતાની ઉપલબ્ધીઓમાં વધુ એક છોગું ઉમેર્યું છે. તેણે બાંગ્લાદેશ સામે કોલકાતામાં રમાઈ રહેલી ઐતિહાસિક ડે-નાઈટ ટેસ્ટ મેચના પ્રથમ દિવસે 32મો રન લેવાની સાથે જ પોતાના નામે એક એવો રેકોર્ડ કરી લીધો, જે અત્યાર સુધી એક પણ ભારતીય ખેલાડી કરી શક્યો નથી. ક્રિકેટના ઇતિહાસમાં તેના પહેલા માત્ર 5 ખેલાડી જ આ ઉપલબ્ધિ હાંસલ કરી શક્યા છે. વિરાટે સૌથી વધુ ઝડપે આ રેકોર્ડ બનાવ્યો છે. 

વિરાટ કોહલીએ બાંગ્લાદેશ સામે બીજી ટેસ્ટના પ્રથમ દિવસે 32મો રન લેવાની સાથે જ કેપ્ટન તરીકેના પોતાના 5000 રન પુરા કર્યા હતા. વિરાટે કેપ્ટન તરીકે સૌથી ઓછી ઈનિંગ્સમાં આ આંકડો પાર કર્યો છે. તેણે 86મી ઈનિંગ્સમાં આ રેકોર્ડ બનાવ્યો છે. આ અગાઉ કેપ્ટન તરીકે સૌથી ઝડપી 5000 રન પુરા કરવાનો રેકોર્ડ ઓસ્ટ્રેલિયાના કેપ્ટન રિકી પોન્ટિંગના નામે હતો, જેમણે 97 ઈનિંગ્સમાં આ રેકોર્ડ બનાવ્યો હતો.