IPL 2019: જ્યારે ધોનીના ફેન્સ પર ગુસ્સે થઈ જીવા, જુઓ વીડિયો

નવી દિલ્હીઃ કેપ્ટન કુલ કહેવાતા એમએસ ધોનીની પુત્રી જીવા ધોનીને તે સમયે ગુસ્સો આવી ગયો, જ્યારે તેમના પિતાને કેટલાક બાઇક સવાર ફેન્સ જોર-જોરથી ધોની-ધોની.... અવાજ લગાવી રહ્યાં હતા. ક્યૂટ જીવાએ પોતાના અંદાજમાં તેને આમ ન કરવા ચેતવણી આપી. આ બધુ વિશાખાપટ્ટનમમાં થયું હતું. 

હકીકતમાં ચેન્નઈ સુપર કિંગ્સ ટીમે ઈન્ડિયન પ્રીમિયર લીગના બીજા ક્વોલિફાયરમાં દિલ્હી કેપિટલ્સને પરાજય આપ્યો હતો. ત્યારબાદ જીવા ટીમ બસમાં હોટલ પરત ફરી રહી હતી. આ દરમિયાન ઘટના બની હતી. 

ઉલ્લેખનીય છે કે વિશાખાપટ્ટનમમાં રમાયેલા બીજો ક્વોલિફાયર-2માં જીત બાદ ચેન્નઈ સુપર કિંગ્સ ટીમને ટૂર્નામેન્ટની ફાઇનલ મેચમાં મુંબઈ ઈન્ડિયન્સ સામે ટકરાવાનું છે. આ મેચ હૈદરાબાદના રાજીવ ગાંધી આંતરરાષ્ટ્રીય સ્ટેડિયમમાં રવિવારે રમાશે.