ચેન્નઈ સુપર કિંગ્સે શેર કર્યો સુરેશ રૈનાનો વીડિયો, ગુસ્સે થયા ફેન્સ, કહ્યું- દેખાડો ન કરો

નવી દિલ્હીઃ ઈન્ડિયન પ્રીમિયર લીગની ટીમ ચેન્નઈ સુપર કિંગ્સની સફળતામાં મહેન્દ્ર સિંહ ધોનીની સાથે-સાથે બાકી ખેલાડીઓનું પણ મહત્વનું યોગદાન રહ્યુ છે. તેમાં સુરેશ રૈનાનું નામ ટોપ પર રાખવામાં આવશે. રૈનાએ ચેન્નઈ માટે અનેક સીઝનમાં સારૂ પ્રદર્શન કર્યું છે. તે લાંબા સમયથી આ ફ્રેન્ચાઇઝી સાથે જોડાયેલો રહ્યો હતો. પરંતુ આઈપીએલ ઓક્શન 2022માં સુરેશ રૈનાને ચેન્નઈ સુપર કિંગ્સે ખરીદ્યો નહીં. હાલમાં ચેન્નઈએ સુરેશ રૈનાનો એક વીડિયો શેર કર્યો છે, જેના પર ફેન્સે ગુસ્સો જાહેર કર્યો છે. 

ચેન્નઈ સુપર કિંગ્સે રૈનાનો એક વીડિયો ટ્વિટર પર શેર કર્યો છે. તેમાં રૈનાના રેકોર્ડ અને બાકી સારી યાદોને સામેલ કરવામાં આવી છે. પરંતુ સુરેશ રૈનાના ફેન્સને આ વીડિયો પસંદ આવ્યો નહીં. ફેન્સે ઘણા પ્રકારની પ્રતિક્રિયાઓ જાહેર કરી છે. ફેન્સે સીએસકેને દેખાડો ન કરવાની ચેતવણી આપી છે.