CSK vs LSG Live Streaming: આજે ચેન્નાઈ અને લખનૌ વચ્ચે કાંટાની ટક્કર, જાણો ક્યારે અને ક્યાં જોઈ શકશો લાઈવ મેચ

CSK vs LSG Live Streaming Details: IPL 2023 ની છઠ્ઠી મેચમાં, ચેન્નાઈ સુપર કિંગ્સનો મુકાબલો લખનૌ સુપર જાયન્ટ્સ સાથે થશે. બંને ટીમો વચ્ચેની આ મેચ ચેન્નાઈના એમએ ચિદમ્બરમ ક્રિકેટ સ્ટેડિયમમાં રમાશે. એક તરફ ચેન્નાઈ સુપર કિંગ્સની કમાન ભારતના દિગ્ગજ અને ચાહકોના પ્રિય મહેન્દ્ર સિંહ ધોનીના હાથમાં રહેશે. તો બીજી તરફ કેએલ રાહુલ લખનૌ સુપર જાયન્ટની કેપ્ટનશીપ કરતા જોવા મળશે.

આ લીગમાં ચેન્નાઈ સુપર કિંગ્સ અને લખનૌ સુપર જાયન્ટ્સ બંનેએ એક-એક મેચ રમી છે. જેમાં ચેન્નાઈ સુપર કિંગ્સે પ્રથમ મેચમાં જ ડિફેન્ડિંગ ચેમ્પિયન ગુજરાત ટાઈટન્સના હાથે હારનો સામનો કરવો પડ્યો હતો. આવી સ્થિતિમાં ચેન્નાઈની ટીમ પહેલી જીતના ઈરાદા સાથે લખનૌ સામે ઉતરશે. બીજી તરફ, લખનૌની ટીમે પ્રથમ મેચમાં દિલ્હી કેપિટલ્સને ખરાબ રીતે કચડી નાખ્યું હતું. આવી સ્થિતિમાં ટીમનું મનોબળ ઉંચુ છે અને લખનૌ ચેન્નાઈને હરાવીને પોતાની જીતનો સિલસિલો જાળવી રાખવાનો પ્રયાસ કરશે.

મેચ ક્યારે અને ક્યાં જોવી?
ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચેની આ મેચ આજે (3 એપ્રિલ) સાંજે 7.30 વાગ્યે શરૂ થશે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની વિવિધ ચેનલો પર વિવિધ ભાષાઓમાં કરવામાં આવશે. તે જ સમયે, આ મેચનું લાઇવ સ્ટ્રીમિંગ 'Jio Cinema' એપ પર ઉપલબ્ધ હશે. તમે આ એપ પર આ મેચ ફ્રીમાં જોઈ શકો છો. અહીં વિવિધ ભાષાઓમાં મેચનો આનંદ માણવાનો વિકલ્પ પણ છે.

આ પણ વાંચો:
UPI યૂઝ કરનારાઓ માટે મોટા સમાચાર, સરકાર લેવા જઇ રહી છે એવો નિર્ણય જે આજસુધી થયો નથી
ગુજરાતીઓએ હવે થાઈલેન્ડ કે દૂબઈ જવાની જરૂર નથી, 2 આઈલેન્ડને બનાવાશે આલાગ્રાન્ડ
ફેશનેબલ દાઢી રાખનારને 51 હજારના દંડ, ગુજરાતના આ સમાજે યુવાનોને કર્યું ફરમાન

બંને ટીમોની સંભવિત પ્લેઈંગ ઈલેવન 

ચેન્નાઈ સુપર કિંગ્સ 
ડેવોન કોનવે, રુતુરાજ ગાયકવાડ, મોઈન અલી, બેન સ્ટોક્સ, અંબાતી રાયડુ, રવિન્દ્ર જાડેજા, શિવમ દુબે/પ્રશાંત સોલંકી, એમએસ ધોની, દીપક ચહર, મિશેલ સેન્ટનર, રાજવર્ધન હેંગરગેકર

લખનૌ સુપર જાયન્ટ્સ
કેએલ રાહુલ, કાયલ મેયર, નિકોલસ પૂરન, માર્કસ સ્ટોઈનિસ, દીપક હુડા, કૃણાલ પંડ્યા, આયુષ બદોની/કે ગૌતમ, માર્ક વૂડ, જયદેવ ઉનડકટ, રવિ બિશ્નોઈ, અવેશ ખાન