DC vs MI Pitch Report: દિલ્હી અને મુંબઈ વચ્ચેની ટક્કરમાં ટોસ બનશે બોસ! જાણો શું કહી રહ્યા છે અરુણ જેટલી સ્ટેડિયમના આંકડા

Arun Jaitley Stadium Pitch Report: દિલ્હી કેપિટલ્સ અને મુંબઈ ઈન્ડિયન્સ સાંજે 7:30 કલાકે આઈપીએલમાં આમને-સામને થશે. આ મેચ દિલ્હી કેપિટલ્સના હોમ ગ્રાઉન્ડ 'અરુણ જેટલી સ્ટેડિયમ' પર રમાશે. આ મેદાન પર ટોસ મહત્વની ભૂમિકા ભજવશે. એમ કહી શકાય કે અહીં ટોસ બોસ હશે આવી સ્થિતિમાં ટોસ જીતનારી ટીમ અહીં પહેલા બોલિંગ કરવાનું પસંદ કરતી હોય છે.

વર્ષ 2019 થી અત્યાર સુધીમાં અરુણ જેટલી સ્ટેડિયમમાં કુલ 31 T20 મેચ રમાઈ છે. આ દરમિયાન પાછળથી બેટિંગ કરનાર ટીમે 23 મેચ જીતી છે. પ્રથમ બેટિંગ કરનારી ટીમ માત્ર 6 મેચમાં જ જીતી શકી છે. અન્ય બે મેચ ટાઈ રહી છે. આજની મેચમાં પણ આ જ ટ્રેન્ડ ચાલુ રહેવાની આશા છે. આવી સ્થિતિમાં, ટોસ જીતનારી ટીમ ચોક્કસપણે અહીં ચેઝ કરવાનું પસંદ કરશે. એટલા માટે એમ કહી શકાય કે અહીં ટોસ બોસ હશે અને ટોસ જીતનારી ટીમની મેચ જીતવાના ચાન્સ વધુ હશે.