જતા જતા શું વિવાદોમાં ફસાયો ધોની? મેચ હાર્યા બાદ ધોનીએ RCBની ટીમનો હાથ પણ ના મિલાવ્યો...

IPL 2024: શું રોયલ ચેલેન્જર્સ બેંગ્લોર સામેની મેચ ધોનીની આઈપીએલમાં છેલ્લી મેચ હતી? ક્રિકેટ જગતને આશા છે કે આવું નહીં થાય. ધોની પણ ઈચ્છતો હતો કે સીએસકે તેની સિગ્નેચર સ્ટાઈલમાં મેચ પૂરી કરીને પ્લેઓફ માટે ક્વોલિફાય થાય. 20મી ઓવરના પ્રથમ બોલ પર ધોનીએ સિક્સર ફટકારી હતી, પરંતુ યશ દયાલે તેને આગલા બોલ પર જ ફસાવી દીધો. RCB માત્ર મેચ જીતવામાં સફળ રહ્યું ન હતું, પરંતુ પ્લેઓફ માટે પણ ક્વોલિફાય થયું હતું.

હવે મેચ પુરી થયા પછીની ઘટનાનો વીડિયો સોશિયલ મીડિયા પર વાયરલ થઈ રહ્યો છે. જ્યાં ધોની વિરોધી ટીમ RCBના ખેલાડીઓ સાથે હેન્ડશેક છોડીને ડ્રેસિંગ રૂમમાં પાછો ફરતો જોવા મળે છે.

રાહ જોઈ શક્યો નહીં ધોની 
ધોનીએ આખી સિઝન દરમિયાન ઈજાગ્રસ્ત ઘૂંટણ સાથે રમવાનું ચાલુ રાખ્યું અને મેચ પહેલા ઈન્જેક્શન લીધા. તેણે આઈપીએલમાં કેટલીક સારી ઇનિંગ્સ રમી અને CSKને જીતવામાં મદદ કરી, પરંતુ કરો યા મરો મેચમાં પોતાનું શાનદાર આપી શક્યો નહીં. મેચ પુરી થયા બાદ સીએસકેની આખી ટીમ ડગઆઉટમાંથી લાઇનમાં ઊભી હતી અને મેદાન તરફ આગળ વધી રહી હતી.

મહેન્દ્ર સિંહ ધોની સૌથી આગળ હતો, પરંતુ આરસીબીના ખેલાડીઓ તેમની ઉજવણીમાં મગ્ન હતા. આવી સ્થિતિમાં, યલો સેનાએ હાથ મિલાવવા માટે થોડો સમય રાહ જોવી પડી. જો કે, થોડો સમય રોકાયા પછી માહી ડ્રેસિંગ રૂમમાં પાછા ફરવાનું નક્કી કરે છે.

ધોનીના પાછળ ગયો વિરાટ
પાછા ફરતી વખતે થાલાએ આરસીબીના સપોર્ટ સ્ટાફના સભ્યો અને બેન્ચના કેટલાક ખેલાડીઓ સાથે હાથ મિલાવ્યા હતા. અન્ય એક વીડિયોમાં જોઈ શકાય છે કે ધોનીને મેદાનમાં ગાયબ જોઈને વિરાટ કોહલી તેને ફોલો કરે છે અને તેને મળવા ડ્રેસિંગ રૂમમાં જાય છે. ધોનીએ આરસીબીના કોઈપણ ખેલાડી સાથે હાથ ન મિલાવવાનો મામલો વિવાદનું રૂપ લઈ રહ્યો છે. કોમેન્ટેટર્સ અને ભૂતપૂર્વ ક્રિકેટરો આ અંગે પોતાનો અભિપ્રાય આપી રહ્યા છે.

હર્ષા ભોગલે, વોનને ઉઠાવ્યા સવાલ
પ્રખ્યાત કોમેન્ટેટર હર્ષા ભોગલેએ કહ્યું, 'મેં આવી વસ્તુઓ જોઈ છે. તમે વર્લ્ડ કપની ફાઈનલ રમી અને ત્યારબાદ પોતાના ઈમોશંસ દેખાડ્યા, પરંતુ તેમ છતાં તમામ ખેલાડીઓએ હાથ મિલાવ્યા. હાથ મિલાવવો એ આપણી રમતમાં સૌથી મહાન ચીજ છે, તે દર્શાવે છે કે આપણી લડાઈ પુરી થઈ ગઈ છે અને આ માત્ર એક મેચ છે અને જાઓ હાથ મિલાવો.

આ જ શોમાં હાજર રહેલા ઈંગ્લેન્ડના પૂર્વ કેપ્ટન માઈકલ વોને કહ્યું કે, જો ધોનીની આ છેલ્લી રમત હોય અને આ જ પછી તે ક્યારેય આઈપીએલમાં ખેલાડી તરીકે નહીં આવે તો તેના વિકેટની ઉજવણી ન કરવી જોઈતી હતી.