જેમિમા અને હર્લિને હરમનપ્રીત માટે બનાવ્યું રેપ સોન્ગ, સોશિયલ મીડિયા પર વાયરલ

નવી દિલ્હીઃ ભારતીય મહિલા ક્રિકેટ ટીમની ખેલાડી જેમિમા રોડ્રિગેજ અને હર્લિન દેયોલે પોતાની ટીમની સાથી હરમનપ્રીત કૌરે 100 T20 આંતરરાષ્ટ્રીય મેચ પૂરી કરવા પર તેના માટે વિશેષ રેપ સોન્ગ બનાવ્યું છે. રોડ્રિગેજે રવિવારે પોતાના ટ્વીટર પર એક વીડિયો અપલોડ કર્યો, જેમાં તેની સાથે હર્લિન પણ છે. આ વીડિયોમાં આ બંન્ને પોતાની ટીમની ટી20 કેપ્ટન માટે રેપ સોન્ગ ગાઈ રહી છે. 

રોડ્રિગેજે ટ્વીટ કર્યું, '100મી ટી20 મેચ માટે શુભેચ્છા હરમનપ્રીત કૌર. તમારા માટે બિગ હેરી તરફથી વિશેષ ભેટ.' ભારતીય મહિલા ટી20 ટીમની કેપ્ટન હરમનપ્રીતે આ વીડિયોને લાઇક કર્યો અને પોતાની ટીમની સાથીઓનો આભાર માન્યો છે.