ન્યૂઝીલેન્ડ વિરુદ્ધ ત્રીજી વનડેમાં કન્નડમાં વાત કરતા જોવા મળ્યા લોકેશ રાહુલ અને મનીષ પાંડે

નવી દિલ્હીઃ ભારતીય ટીમે ન્યૂઝીલેન્ડ વિરુદ્ધ સિરીઝની ત્રીજી વનડે મેચમાં પરાજયનો સામનો કરવો પડ્યો હતો, પરંતુ આ મુકાબલાનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં ભારતના સ્ટાર બેટ્સમેન લોકેશ રાહુલ અને મનીષ પાંડે કન્નડમાં વાતચીત કરતા જોવા મળી રહ્યાં છે. 

ન્યૂઝીલેન્ડ વિરુદ્ધ સિરીઝની ત્રીજી અને અંતિમ વનડે મેચ દરમિયાન કર્ણાટકના બે ખેલાડીઓ લોકેશ રાહુલ અને મનીષ પાંડેએ બેટિંગ કરતા કન્નડમાં વાત કરી હતી. તેનાથી રાજ્યના ક્રિકેટ-પ્રેમી ખુશ છે. મેદાન પર લાગેલા માઇકના માધ્યમથી રાહુલ અને પાંડેની વાતનો ખ્યાલ આવ્યો, જેનો વીડિયો વાયરલ થઈ રહ્યો છે.