ટેનિસઃ વર્લ્ડ નંબર-3 જ્વેરેવે જીત્યો ત્રીજો મૈડ્રિડ ઓપનનો ખિતાબ

મૈડ્રિડઃ વર્લ્ડ નંબર-3 એલેક્જેંડર જ્વેરેવે પોતાના કેરિયરનું ત્રીજી મૈડ્રિડ ઓપન ટેનિસ ટૂર્નામેન્ટનું ટાઇટલ જીત્યું છે. જર્મનીના 21 વર્ષના ખેલાડી જ્વેરેવે ફાઇનલમાં ઓસ્ટ્રિયાના ડોમિનિક થિમેયને હરાવ્યો હતો. 

જ્વેરેવે વર્લ્ડ નંબર-8 થિમેયને સીધા સેટમાં 6-4, 6-4થી હરાવીને ટાઇટલ જીત્યું હતું. તે પાંચમો તેવો ખેલાડી બની ગયો છે જેણે ઓછામાં ઓછા ત્રણ માસ્ટર્સ-1000 ટાઇટલ પર કબજો જમાવ્યો છે. 

આ યાદીમાં રાફેલ નડાલ, રોજજ ફેડરર, નોવાક જોકોવિચ અને એન્ડી મરે જેવા દિગ્ગજ ખેલાડીઓ સામેલ છે. જ્વેરેવ હવે ઈટાલી ઓપનમાં ભાગ લેશે. 

થિયેમે દક્ષિણ આફ્રિકાના એન્ડરસનને 6-4, 6-2થી હરાવીને ફાઇનલમાં જગ્યા બનાવી હતી. જ્યારે જ્વેરેવે સેમિફાઇનલમાં કેનેડાના યુવા ડેનિસ શાપોવાલોવને 6-4, 6-1થી પરાજય આપ્યો હતો. 

આ તે જ થિમેય છે જેણે રાફેલ નડાલની ક્લેકોર્ટ પર 21 મેચ અને 50 સેટની વિજયી રથને અટકાવ્યો હતો. ગત વર્ષે મૈડ્રિડ ફાઇનલમાં તે નડાલ સામે હારીને રનર્સઅપ રહ્યો હતો. તેની ઈચ્છા આ વર્ષે ટાઇટલ જીતવા પર હતી, પરંતુ આ વર્ષે પણ નિષ્ફળતા હાથ લાગી હતી.