કોરોના સામે જંગઃ ધોનીનું યોગદાન 1 લાખ, ફેન્સ થયા ગુસ્સે- આ કેવું દાન?

નવી દિલ્હીઃ કોરોના મહામારીએ વિશ્વમાં હડકંપ મચાવી રાખ્યો છે. આ વૈશ્વિક મહામારીમાં અત્યાર સુધી 24 હજાર કરતા વધુ લોકોના મોત થયા છે. ભારતમાં અત્યાર સુધી 17 લોકોએ પોતાનો જીવ ગુમાવ્યો છે. જીવલેણ કોરોના વાયરસ સામે લડવા માટે ખેલ જગતના ઘણા દિગ્ગજો ઉતરી આવ્યા છે. 

શુક્રવારે જ્યાં સચિન તેંડુલકરે 50 લાખ રૂપિયા આપીને કોરોડા સામે લડાઈમાં પોતાની ભાગીદારી નોંધાવી તો ધોનીએ પુણે સ્થિત એક એનજીઓના માધ્યમથી 1 લાખ રૂપિયાનું યોગદાન આપ્યું છે. 

ભારતીય ક્રિકેટ ટીમના પૂર્વ કેપ્ટન એમએસ દોનીની આર્થિક મદદને લઈને તેના ફેન્સ સોશિયલ મીડિયા પર ખુબ નારાજગી વ્યક્ત કરી રહ્યાં છે. એક ફેને લખ્યું- 800 કરોડ રૂપિયા કમાનાર ધોનીએ માત્ર એક લાખ રૂપિયાની મદદ કરી... આ દુખદ છે.