વિરાટ કોહલી પર મજાક કરવી પડી ભારે, કીવી ક્રિકેટર થયો ટ્રોલ

નવી દિલ્હીઃ ન્યૂઝીલેન્ડનો ઓલરાઉન્ડર ખેલાડી જિમી નીશમ ભારતીય કેપ્ટન વિરાટ કોહલી અને એશિઝ સિરીઝ પર ટ્વીટ કર્યા બાદ હવે ભારતીય ક્રિકેટ પ્રશંસકોના નિશાના પર આવી ગયો છે. ઈંગ્લેન્ડના ઓપનિંગ બેટ્સમેન રોરી બર્ન્સે ઓસ્ટ્રેલિયા સાથે ચાલી રહેલી એશિઝ સિરીઝની પ્રથમ ટેસ્ટ મેચના બીજા દિવસે જ્યારે અણનમ 125 રન બનાવ્યા તો નીશમે ટ્વીટ કરતા લખ્યું, 'રોરી બર્ન્સના હવે તેની પ્રથમ એશિઝ સિરીઝની પ્રથમ ઈનિંગમાં વિરાટના પૂરા એશિઝ કરિયરથી પણ વધુ રન થઈ ગયા છે.'

નીશમના આ ટ્વીટને જ્યાં કેટલાક લોકોએ મજાક ગણાવી તો કેટલાક લોકોએ કહ્યું કે નીશમના કદ પ્રમાણે આ ટ્વીટ યોગ્ય નહોતું. પ્રશંસકોએ નીશમના ટ્વીટને જવાબ આપતા લખ્યું, 'વિરાટ કોહલીએ એશિયા કપમાં ઈંગ્લેન્ડ અને ઓસ્ટ્રેલિયાના તમામ ખેલાડીઓથી વધુ રન બનાવ્યા છે.' એક યૂઝરે લખ્યું, 'આ તમારી અત્યાર સુધીની સૌથી મજાકભરી વાત છે.'