World Cup 2019 માટે વીરેન્દ્ર સેહવાગે પસંદ કરી પોતાની ટીમ
વીરેન્દ્ર સેહવાગે વિશ્વ કપ માટે પોતાની 15 સભ્યની ટીમ પસંદ કરી છે અને તેમાંથી 8 ખેલાડીઓ 2015 ટીમમાં પણ હતા.
નવી દિલ્હીઃ સોમવાર (15 એપ્રિલ)ના પસંદગીકારો વિશ્વ કપ 2019 માટે ભારતીય પુરૂષ ક્રિકેટ ટીમની જાહેરાત કરશે. આ વચ્ચે ભારતીય ટીમના પૂર્વ ક્રિકેટર વીરેન્દ્ર સેહવાગે ટ્વીટર પર આ ટૂર્નામેન્ટ માટે પોતાની ટીમ પસંદ કરી છે.
પૂર્વ ઓપનિંગ બેટ્સમેન વીરૂએ સોશિયલ મીડિયા પર 15-સભ્યોની ટીમ પોસ્ટ કરી છે. વિશ્વ કપની શરૂઆત 30 મેથી ઈંગ્લેન્ડ અને વેલ્સમાં થશે.
સેહવાગે આ ટ્વીટમાં વિશ્વ કપ 2015ની ટીમ પણ સાથે પોસ્ટ કરી છે. સેહવાગે જણાવ્યું કે, તેની 2019ની ટીમમાંથી 7 ખેલાડી 2015ના વિશ્વ કપમાં પણ હતી તો 8 ખેલાડી નવા છે.
વિરાટ કોહલી, મહેન્દ્ર સિંહ ધોની, શિખર ધવન, રોહિત શર્મા, રવિન્દ્ર જાડેજા, ભુવનેશ્વર કુમાર અને મોહમ્મદ શમી 2015ની ટીમમાં હતા. તો 8 નવા ખેલાડી છે- કેએલ રાહુલ, વિજય શંકર, હાર્દિક પંડ્યા, કેદાર જાધવ, યુવજેન્દ્ર ચહલ, કુલદીપ યાદવ, જસપ્રીત બુમરાહ અને રિષભ પંત.
વાંચો સ્પોર્ટ્સના અન્ય સમાચાર