પાર્થિવ પટેલને મળી નવી જવાબદારી, હવે મુંબઈ ઈન્ડિયન્સ સાથે કરશે આ કામ

મુંબઈઃ પૂર્વ વિકેટકીપર બેટ્સમેન પાર્થિવ પટેલ (Parthiv Patel) ગુરૂવાર ઈન્ડિય પ્રીમિયર લીગ (IPL)ની વર્તમાન ચેમ્પિયન ટીમ મુંબઈ ઈન્ડિયન્સ  (MI) સાથે જોડાઈ ગયો છે. તે 'ટેલેન્ટ સ્કાઉટ' (નવી પ્રતિભાઓને શોધનાર)ની જવાબદારી સંભાળશે. 

ભારત તરફથી 25 ટેસ્ટ, 38 વનડે અને બે ટી20 આંતરરાષ્ટ્રીય મેચ રમનાર પાર્થિવે બુધવારે નિવૃતીની જાહેરાત કરી હતી. 

મુંબઈ ઈન્ડિયન્સે નિવેદનમાં કહ્યું, 'પાર્થિવને ઘરેલૂ અને આંતરરાષ્ટ્રીય ક્રિકેટ રમવાનો અપાર અનુભવ છે. આ સિવાય તેને આઈપીએલ સ્પર્ધાની પણ સારી સમજ છે.' મુંબઈ ઈન્ડિયન્સના માલિક આકાશ અંબાણીએ કહ્યુ કે, તે પાર્થિવ ફ્રેન્ચાઇઝી સાથે જોડાતા ખુશ છે. 

મુંબઈએ 2015 અને 2017મા જ્યારે આઈપીએલ ટ્રોફી જીતી હતી. ત્યારે પાર્થિવ તેનો સભ્ય હતો.