Tokyo Olympics: સિલ્વર મેડલ જીત્યા પછી ભાવુક થઈ ગયા રવિ દહિયા, કહ્યું- `ખુશ છું પણ...`

ટોકિયો: ઓલિમ્પિક ખેલોમાં કુશ્તીનો સિલ્વર મેડલ જીત્યા બાદ રવિ દહિયાએ મોટું નિવેદન આપ્યું છે. હરિયાણાના આ લાલનું કહેવું છે કે તે સિલ્વર મેડલ મેળવીને ખુશ જરૂર છે પરંતુ સંતુષ્ટ નથી. 

પેરિસ ઓલિમ્પિકમાં ગોલ્ડનું સપનું
આ 23 વર્ષના ખેલાડીએ પુરુષ વર્ગના 57 કિગ્રા વર્ગની ફાઈનલ બાદ કહ્યું કે આ સિલ્વર મેડલ તેમને ક્યારેય સંતોષ નહીં આપે જો કે તેમનું પ્રદર્શન ભારતીય કુશ્તી માટે ખુબ મહત્વ ધરાવે છે. દહિયાએ જાપાનની રાજધાનીથી ફોન પર કહ્યું કે હું સિલ્વર મેડલ માટે ટોકિયો નહતો આવ્યો. તેનાથી મને સંતુષ્ટિ નહીં મળે. કદાચ આ વખતે હું સિલ્વર મેડલનો જ હકદાર હતો કારણ કે યુગુએવ આજે સારો પહેલવાન હતો. હું જે ઈચ્છતો હતો તે મેળવી શક્યો નહીં.